[فلسطيني للأبد]

كاتب النص الأصلي : طيار الليل

بعد خمسين سنة من النضال و بلاء الدول عليهم هلأ جايين الفلسطيني يختلفوا و يدبحوا بعض على حساب بلد لم يحرر و ارض لم تداس و كراسي مزيفة اشتروها الزعماء المزيفيين من تل ابيب... يعني هلأ هالعناصر تبع الأمن الفلسطيني ما عاد يطولا بالون مشان المعاش و الله كدابين و الله مظاهرات سياسية عم يستخدموها كرمال ابن دحلان و ابن الرجوب... وحماس ما سكة العناد و بس يمكن جماعة حماس ما عرفوا لا هلأ انو في شي اسمو سايسة و مقاومة يعني المقاومة بلا سياسة ما بتمشي..... هيدا الي كان ناقص الفلسطينين عن يدبحوا بعض يا حرام يا حرام ...

لك ما بيستحوا ما بيفهموا هالكم عصابة .. ولك يخرب بيتكون .. لك طولوا بالكون كرمال هالشعب الصامد ... بس للأسف .. صمود بحححححححح

مقاومة بحححححححح

فلسطين بحححححححح

هيدا كلوا العصابات عم يمارسوه على حساب صمود اهلنا في فلسطين هال صامدين الطيبين الجبارين .... بس عن ازن الشباب بدي قول شغلة من قهري بدي قول..

عييييييييييييييييييييب و حرام اليى عم بيصير


سلامة

تسلم يا اخ طيار!!!
بس لنه أنا عايش هلأ بقلب فلسطين حاب أضيف شوية نقاط مش واضحة!!!

أول اشي ، أنا مع المتظاهرين ومع الاضراب لعد أسباب بدي أذكرلكم شوي!!


قبل حوالي 4 سنين صار عنا بفلسطين إضراب واسع في المدارس والمؤسسات الحكومية واللي وأكبر داعم للإضراب كانت حماس، واستمر الاضراب حوالي 4 اشهر كاملات ما حدا كان يدرس ولا يروح عالمدرسة!1 والهدف من الاضراب ما كان لانه الناس بدها رواتبها اللي صارلها 7 ششهور ما انصرفت!!! بل كان هدفه يزيدوا الرواتب من حوالي 200 شيكل بالشهر تقريبا 45 دولار وبهاداك الوقت ما حدا كان يسأل عن الطلاب ولا التعليم!! المهم زيادة الرواتب!!!!


أما هلأ فعند ما يتظاهر الموظفون ويطالبوا براتبهم اللي صارلوا أكتر من 7 شهور مقطوع وما معه الواحد فيهم ياكل نبتقوم حماس وبتقول عنهم ناس خاينين بدهم يضروا الطلاب والتعليم وانهم عملاء لاسرائيل و و ...... الخ من الكلام اللي بيجرح النفس!!!

لك يا عمي حماس جربت الحكومة وما قدرت تلبي يللي وعدت الناس فيه!!! بيقضي يعني ما فيها شي لو اعترفت حماس لنها مش قادرة تكمل!! مش هم بدهم مصلحة الشعب!!
ومصلحة الشعب بتقول انهم لازم يتركوا الحكومة!!! أو على القليلة يتعاملوا بالسياسة شوي!!

وبعدين مافي دوله بالعالم بتمنع انه الموظفين يتظاهروا مطالبين برواتبهم المقطوعه!!!

تاني اشي !!
حماس حملت فتح مسؤولية الاحداث المؤسفة اللي صارت قبل كم من يوم والحقبقة انه كل الحق على حماس!!!!
يعني مش ضروري يا حماس تفرجي الشعب قوتك! انا كنت بالمظاهرة اللي صارت عنا للمطالبة بالرواتب وتفاجأت بقوات الداخلية التابعة لحماس بتضرب الناس وبتطلق النار عليهم كمان!!!

في النهاية بتمنى من حماس انها تتعلم شوي من حزب الله!!!
يعني عندك حسن نصر الله لما لنتهت الحرب على لبنان قال انه لو كان يعرف انه أسر الجنديين بدو يسوي هالحرب ما كان أسرهم!!
لك فيقوا يا عرب بيقضي أحلام