اقتباس:
كاتب النص الأصلي : محمد ابراهيم
انا وضحت الكلام المتناقض والغامض
هاد عن حكي اسير اما حكيك انتي شديد التناقض
شوفي يا ستي
انا لما اكون محايد بين امرين (مثلا مع القتل الرحيم ,ضد القتل الرحيم)
يبقى لا رح اختار هذا او ذاك ولا رح اقف مع هذا او ذاك
لكن اني اقول اني محايد وفي نفس الوقت اقول انا مع الراي الفلاني مثلا مع القتل الرحيم
اكيد بكون بستحق كلمه مو لطيفه مارح اقولها مشان مشاعري ,,ولماذا استحقها ؟؟؟
لاني بتلاعب بعقولكم وبستخف فيها ,,يعني كيف اكون في كفه وادعي اني محايد 
الحمد لله اسير ما قال انو محايد  وأعفاني من الحرج في اني احكي عراحتي |
معك حق يمكن انا غلطت باختيار العبارة..... اسير ضد الموت الرحيم بس
بنقاشو عم يكون محايد وهيك بظن بتكون وضحت فكرتي من موقف اسير بمعنى تاني هوي الو موقف انو ضد هالشغلة بس لما بيفكر ويناقش بيحاول يفهم الموقف الاخر وبالتالي مافي اي تناقض بكلامو
اقتباس:
قبل ما ندخل في حكي مالو علاقه بموضوعنا
ماذا اضافت كلمة انسانية الى الى الحياه الانسانيه من ناحية المعنى؟؟
المعنى رح يوصل بل بالعكس كلمة انسانية مضافه للحياه الانسانيه افقدت الجمله معناها ولولا ذكاء القارئ ما كان فهمها
طيب ببساطه
في حياه انسانيه وفي حياه غير انسانيه (هاد اللي بدك توضحيه وتقوليه)
ما اختلفنا انا وياكي وبقول امين
امين امين
بس مامعنى ؟؟؟؟؟؟؟؟؟؟؟؟؟
انسانية الحياه الانسانيه او انسانية الحياه الغير انسانيه
اكيد مو لغه عربيه بس بدي اوصل الها وثقافتي المحدوده مانعه وصولي
عندما تضيف كلمة انسانية الحياه الانسانيه مالغرض ؟؟؟ في موضوع شائك مثل هذا الموضوع ؟؟؟
بتعرفي لغويا
ما اضافت شيء لان كيف بدنا نضيف ماء عالماء مو بس هيك
في اللغه العربيه ما يزيد على المعنى يعتبر ****
صدقيني ما بعتقد كان تعليقك وتعليقي مستاهل هالمجهود في الرد على هالكلمه تحديدا
لولا اني ما بردّ حد جاي يتناقش كنت اهملتها وما ردّيت (بس قلقت من ان اللي ما يعرفني يفتكر اني متجاهلها )
|
هلأ انا كمان قدراتي باللغة العربية محدودة يعني ماني فطحل زماني باللغة العربية بس لما قريت عبارة انسانية الحياة الانسانية فيي فهمت منها انو في حياة انسانية واللي هيي حياة المخلوق البشري بغض النظر عن طريقة الحياة يعني مجرد انو في مخلوق بشري بين قوسين انسان
ولما ضفنا كلمة انسانية الحياة الانسانية عطيناها البعد الانساني والاخلاقي والحقوقي وماالى هناك من اشياء بتميز حياة الانسان عن حياة اي مخلوق تاني
اقتباس:
مفهوم فقد الكرامه والحريه فكره مغلوطه عندك
مفهوم الحريه والكرامه غير هيك نهائي
الحريه يمكن ان نعبر عنها بالاراده مقرونه بالالتزام
والكرامه لا يفقدها الانسان عند مرضه مهما كان المرض اكرر للمره الاف الكرامه مصانه عند المرض
ولعلك تقصدين كرامه غير التي نعرفها
فما هي الكرامه التي تقصدينها ؟؟
|
الكرامة والحرية اشياء كتير نسبية وكل انسان الو وجهة نظر فيها وبالنسبة الي مثلا العجز والاتكالية المطلقة عالاخر رح تحسسني اني فاقدة الكرامة متل ماقلت قبل..... وبالتالي بالنسبة الي المرض اللي رح يوصلني للعجز اكيد مارح يحافظ على كرامتي وهون بأكد على فكرة ذكرتها اكتر من مرة ورح ارجع عيدها هون انو فقدت الكرامة بنظر نفسي مو بالضرورة كون فقدتها بنظر الاخرين
بس شو رأيك انت بالكرامة لسه ماعرفتو
اقتباس:
طيب واذا كنتي انتي اول واحده في اعماقك عارفه ان الانسان اللي بيواجه هو الانسان الشجاع
وبديهي ان المريض لما يختار الامل ويعيش مع الالم والمرض
بديهي انو اختار المواجهه وانو يتحمل الالم وبالتالي شجاع
اذا كنت انا فاهم غلط ما عندي مانع الناس تصحح الي غلطي (بالعكس هاد بيشرفني ان الناس تصحح غلطي ) مشان اتجنب غلطي وما اغلطو تاني وبهالطريقه بكون كل مره بتعلم شيء جديد
وانمي واكبر ثقافتي ومعلوماتي
|
اول شي انت فهمت نقدي هون غلط انا ماعم حاول اقنعك اي شخص هوي الشجاع واي شخص هوي القليل الشجاعة بس نقدي كان للكلمات اللي انت قلتها و لونتها انا وعم تعمم فيها رأيك على كل الناس..... يعني مهما كنت مقتنع بفكرتك لازم تضل حاطط احتمال انو في ناس بتشوف العكس
وهلأ بنرجع لفكرة الشجاعة متل ماانا بشوفها انو الانسان اللي
واجه قرار الموت اكيد مابتنقصو الشجاعة لانو هي اصعب مواجهة وحتى اصعب من مواجهة المرض او الالم وبالتالي برأيي انا انو هاد الشخص الاكثر شجاعة
ودخيل عينك لاتمسك حالك وبق البحصة
اقتباس:
انا حبيت أكد على ان حقوق الانسان ضد هالشيء (وهاد موضوعنا)
ومش موضوعنا فتح مناقشات اخرى هنا
ولكني على استعداد لمناقشتك خارج هالموضوع 
|
وانا حبيت اكد انو حقوق الانسان فيها الكتير من المغالطات وبالتالي مانها دايما مرجع موثوق