اقتباس:
و الله عن جد ضحكتني بس انت ارسى على بر ... يا عمي خليك مسيحي أهم شي إنك لا تكون متشكك
خلينا نشوفك هنيك اشتقنالك
|
ابو شريك..أنا رسيان ع بر من زمان....بس في ناحية مهمة ..هي أنو من الصعب جداً أنو يكون املحد نشأ بمحيط ملحد...يعني خصوصاً هون ببلادنا ...لذلك بتشوف الملحدين هون هني ملحدين فكرياً بس متدينين ثقافياً ..بمعنى أنو الملحد اللي من أصل مسيحي بكون عندو ثقافة مسيحية كبيرة بحكم الظروف ..و بكون عندو سلوك اجتماعي مماثل للمسيحين بحكم الظروف كمان, و كذلك الملحد المسلم ...لأنو خود ابسط المسائل مثلاً ...في شي ملحد هون بيقدر يتزوج بطريقة لا دينية ؟ الملحد من أصل مسلم ( عجبتني هي من أصل ) قد يكون بيشرب مشروبات كحولية ...بس بالسر ..و ما من مبدأ اذا ابتليتم بالمعاصي فاستتروا ..لاء ..من مبدأ انو محيطو الاجتماعي ( الجيران الأهل ...الخ ) رح ياخدو منو موقف سلبي اذا كان عم يشرب بالسر ..خاصة أنو في عنا قاعدة ذهبية و هي التعميم ..يعني انو هاد اذا بيشرب ما بعيدة يكون حرامي
..مشان هيك صعب كتير انك تميز الملحد من شكلو أو من تيابو أو من تصرفاتو ....هو كتير بيشبهك ...و هاد الشي اللي بخليك تتفاجئ
J.S: Death is the solution to all problems. No man = No problem.