اقتباس:
كاتب النص الأصلي : hanny dagher
طيب السؤال اللي بدي اسالو هلأ لامراة من ورق
فيكي تحددي وبدقة مين اللي رح يكون اول موت المريض او اكتشاف الدواء
اكيد لاء لهيك كنا نحنا ضد فكرة فقدان الامل ضد فكرة انو روح خيو ليك الدوا قديش بدو لحتى يصير فعال اي خلينا نموت المريض موت رحيم من هلأ
مية وردة للكل  |
اكيد مابعرف عالاكيد اي رح يصير اول موت المريض بشكل طبيعي او انتاج الدوا...... بس بالاحتمالات فيي قول انو بكتير حالات رح يصير موت المريض اول
وكمان انو بدك تفكر انو بين ماصار الدواء عم تكون حالة المريض عالاغلب عم تسوء يوم عن يوم والمرض عم يستفحل ويقوى يعني اذا كانت حالتو اليوم بتسمح بالعلاج (وفقا لهاد الدوا المنتظر)بعد فترة حتى لو انتجو الدوا الاحتمال الاكبر انو ماعاد ينفع..... يعني بظن انو اغلب الادوية ومهما كانت قوية ممكن تعالج المرض لحد مرحلة معينة وبعدها مارح يضل اي علاج ينفع يعني بنكون طولنا حياة العذاب اللي عايشها هالانسان ومشي حال انتاج الدوا بس مامشي حال العلاج عليه
وبالاخير في شغلة انو نوعية الحياة اللي عم يعيشها الانسان المريض او متل ماعبر عنها اسير التشرد
اقتباس:
الحياة مقدسة بمعنها الاسمى لما بتكون ممزوجة بالكرامة والحرية ولما بدنا نحترم الحياة طبياً ما بنروح بنعمل معارك خلبية ونركز على المرض وننسى المريض ولما بنحكي عن احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها...
|
وشكرا كتير هاني