[moh84]

كاتب النص الأصلي : امرأة من ورق

شو رأيكن بحياة شخص مريض ووصل لدرجة من المرض انو صار عاجز تماما وعم يتألم ليل نهار وعارف انو مستحيل يكون في علاج لمرضه يعني رح يضل طول عمره (اللي صار قصير) عايش بالالم وبدون اي امل بالاضافة للمصاريف اللي يمكن تكسر ضهر عيلتو...... اي احسن انو نتركه يعيش بالالم هالايام اللي بقيانتلو او انو نسمح بالموت الرحيم بهيك حالة وهيك بنخليه يرتاح من الالم؟؟

هلأ بعرف انو الموضوع حساس لكتير منكن وبتمنى انو يكون النقاش بعيد عن الدين..... يعني يكون من النواحي الانسانية او القانونية

اول شي صباح الخير
انا حبيت الموضوع لانو بيحكي عن قضية انسانية
ويمكن الذي شدني لهالموضوع انو احنا عانينا متل هيك مشكلة
والي صار يا خيتي العزيزة
انو سنة 2000 بدات انتفاضة الاقصى المباركة و الكل بعرف انو بالانتفاضة راح جرحا كتير من ضمنهم شب كان صديقي الي صار مع صاحبي هو انو اتصاوب برصاصة بمنطقة الدماغ
فصار عند الشب حالة الموت السرير
يعني بيكون الاعضاء شغالة بس الدماغ عيد
وبيصير الواحد بهذة الحالة عايش على الاجهزة
يعني جهاز بيشغل الكلية و جهاز بيشغل القلب متل هيك اشياء
المهم الدكاترة حكو انو في امل يعيش 5% بس مش اكيد لانو الحالة الي وصل ابها الشب كانت صعبة كتير
فاصر الاب ان تبقى الاجهز تعمل ول ا تفصل عن جسد الشب المسكين
ولكن اهل الشب اقترحو انو تنشال الاجهزة عن الصاحبنا و يموت و يرتاح هو و كمان يرتاحو اهلو
بس الاب ما وافق و عاش بعديها الشب على الاجهزة طبعا مش صاحي بغيبوبة يعني ما استفادو شي من الاجهزة غير انها ابقت على اعضاء الشاب بوضعها السليم
و استم الشب عايش او بالاحرا مش ميت سنتين و بعدين الاب ياس من انو ابنو يرجع للحياة
فقرر ان تزال الاجهزة عن جسد ابنه
و قام بالتبرع بالاعضاء السليمة للمصابين و هيك انتهت قصة صراع عاشها المريض مع اجهزة المستشفيات
انا بشوف انو موت الرحمة هو احسن حل لهيك حالات لانو المريض اول عن اخر رايح يموت و بعدين ما حد بيموت ناقص عمر يعني بس ينتهي اجلة البني ادم خلص بيموت حتى لو كان بكامل صحتو وعافيتو فأنا بنظر لموت الرحمة هو موت عادي ما بيختلف عن اي موت تاني