[امرأة من ورق]

كاتب النص الأصلي : محمد ابراهيم

لا يهتهمني اسبابك على الاطلاق ولكن ما يهمني هو احترام رغبتك
ويساعدني على التحاور بعدة اشكال واساليب , احترامي للاخر وفكره واسلوبه مهما تعارضت معه



في الوقت اللي بتحكي فيه انتي عن حاله معينه انا بحكي عن عموم الحالات

طيب لنفترض معا فرضا ما
في سنه 2006 تم قتل 10000 حاله بواسطه مايسمى (رحماء القتل الرحيم )
وفي نهاية 2006 تم تجربة العلاج واقرار استخدامه

بالتاكيد كان من الافضل منح هؤلاء ال عشرة الاف فرصه النجاه من المرض والعيش حياه طبيعيه مع من يحبون
وبعيدا عن الدين كما تريدي
هل هناك حياة اخرى سيعيشها هؤلاء المقتولين؟؟؟؟
بالطبع لا فنحن نجيب بعيدا عن الدين



الاكيد هو ان القتل الرحيم رح يصير الحل الاول
فقط اذا تم اقراره في كل دول العالم
وبالتالي سيكون البحث العلمي حل اخير مما يؤثر على سرعة الوصول للعلاج مستقبلا ..


اذا كانت حياة البشر مهمه فعلا عند مطبقين اسلوب القتل الرحيم (اتمنى ان تسمي الامور كما هي ) انه قتل ,,,
فلماذا لا يتركون فرصه للمرضى لادراك العلاج مستقبلا (فقط فرصه)


ببساطه مافي حد ما عندو (بس في ناس عندها اشياء بسيطه وناس عندها كنوز كبيره)
بس تعرفي انقاذ حياة انسان اغلى من الحاجات البسيطه والكنوز
والفرصه وان كانت ضعيفه بالنسبه لاهل المريض ان كان عزيز عليهم تساوي اكتر من كل ما لديهم

وبعدين اذا افترضنا ان ما عندهم شيء يبيعوه ,,, ذكائك هبط لدرجه ما شفتها من قبل (اكيد السبب قلة حواراتي معك )
اذا كان الاهل ما عندهم شيء يبيعوه ببساطه
وين المشكله وانو رح يكلفهم اي مصاري !!!!!
اساسا ما عندهم شيء يصرفو عليه !!!!!!!!!!!!!!!!!!!
ومارح يسبب الهم مشكله ماديه لانهم اساسا هما اللي مشكله ماديه


حتى واذا رفض المريض فاطالة حياتو يوم تساوي كتير اذا تم علاجو في هذا اليوم


وانا كمان وضحت ان ما تقدري تعرفي مستقبلا متى العلاج
جايز يخرج في سنه او اقل
جايز 2 او 4
كل شيء جايز
اما المؤكد هو قتل انسان قد يكون له فرصه في العلاج والحياه



ناقص جزء من العباره
انها بتشوف القتل الرحيم حرمان انسان من حق عظيم (وهو فرصه في الشفاء من المرض والحياه ) ولا اغلى من الصحه وحياة الانسان) واتحداكي في ايجاد ما هو اغلى

هناك جانب يتم تجاهله من هؤلاء الناس

هو فرصة نجاة المريض مستقبلا
وبهذا هم يقومون بعمل اجرامي غير قتل روح ,
هم يحرمون مريض من فرصة علاجه مستقبلا

عفوا كتير

شكرا كتير اول شي على اهتمامك بالرد وتانيا على احترامك لرغبتي منشان موضوع النقاش الديني

هلأ من حكيك في نقطتين بدي وضحون اكتر
النقطة الاولى وهي اللي انت كتير عم تركز عليها انو ايجاد الدواء بالمستقبل لهيك مرضى ...... هلأ اغلب اللي عم يصير عليون الموت الرحيم عم يكونو بمراحل متأخرة كتير من المرض وعم يكون باقيلون شغلة اسابيع او ممكن شهور بالحياة وبيكون بهي المرحلة لسه مافي اي فكرة لدواء ممكن يشفي المرض..... وصدقني العلاج من لما بتطلع فكرتو لحتى تنعمل عليه كل التجارب المطلوبة ويعتمد كدواء صالح للاستعمال البشري ماممكن تصير خلال اسابيع ولاحتى شهور قليلة لانو لازم يقررو التركيبة الدقيقة وهي بدها تجارب وبدها وقت وبعدين لازم يتجرب عالحيوانات المسكينة اذا عن جد بيشفي المرض او بيخففو وكمان هي بدها وقت وبعدين لازم نضل فترة عم نراقب حيوانات التجربة لحتى نتأكد انو الدوا ماالو اعراض جانبية او اذا الو شو مدى خطورتها وكمان هي بدها وقت......يعني لما بيبلش استعمال الدواء عالبشر مارح يكونو هالاشخاص لحقوه ورح يكونو ماتو بكل الاحوال الموتة الطبيعية وبالتالي اتخاذ قرار الموت الرحيم مانو بالبساطة اللي عم تتخيلها وعم يكون مدروس تماما انو شو الفترة الباقية لهلشخص بالحياة وانو فعلا مستحيل يلتقى علاج ويعتمد للاستعمال البشري بهي الفترة وبالتالي الموت الرحيم بهالحالة مارح يكون حرمو من فرصة العلاج ابدا بس بيكون ريحو من عذاب الالم

واما منشان الوضع المادي...... اذا كنت متخيل انو كل الناس عندها شي حتى لو بسيط تبيعو بتكون غلطان لانو في ناس حتى ايجاد الاكل عم يسببلها مشكلة وهيك ناس رح يضطرو يتدينو مبالغ باهظة لحتى يعالجو المريض وطبعا الدين لازم يرجع لصحابو وبالتالي بيكون هالمريض وقع اهلو بمشكلة مادية ممكن تدوم معون للحفيد او بالاصح زاد المشاكل المادية لاهلو وعقدها..... واكيد انا ماعم قول انو الاهل لازم يقررو الموت الرحيم للمريض كرمال المادة بس اللي عم قولو انو هي بتعمل عامل اساسي بنفسية المريض وبتأثر انو هوي يرغب بالموت بدرجة اكبر

ومرة تانية شكرا