[امرأة من ورق]

كاتب النص الأصلي : محمد ابراهيم

اذا كنتي بتقصدي ببعيد عن الدين (ان يكون الحوار بفكر وفلسفة الانسان )اوكي اتابع
بس ممكن اتطرق فيما بعد لنواحي اضافيه غسر الانسانيه او القانونيه لكن لن تكون دينيه

كلشي ممكن الا الدين ولاسباب وضحتها من قبل

هل تستطيعي ان تعرفي ماهي حالة مريض الكوليرا او الطاعون قبل اكتشاف علاج لهذا المرض
وكيف كانت ألامه؟؟؟
لم يكن لها علاج وعند لحظه اصبح لها علاج (اين تلك الحظه ومتى تكون بالنسبه لكل مرض) لا يستطيع اي انسان ان يجيب عنها ويتنبأ بها مستقبلا ,

اذا التجربه والعلم الانساني اثبت انه مع مزيد من البحث العلمي نجد ونكتشف العلاج لاي مرض

بذلك لا يعد علميا او من المنطق قتل انسان بحجة انا يتعذب او يتالم ,ولو قتلنا كل انسان مريض بمرض لا نعرف علاجه حاليا لن يكون هناك دافع قوي ولح لان نعرف علاج له ,,
لان الحل موجود وهو القتل الرحيم , اما اذا استبعدنا فكرة القتل الرحيم لن يكون هناك حل سوى العلم والبحث العلمي ,,
وطبعا تدركون معنى ان يكون هناك حل فعليا(القتل الرحيم) بالنسبه للاطباء والباحثين بالاضافه الى البحث العلمي (من المؤكد ان يفضل الاطباء دائما القتل الرحيم على البحث العلمي كحل لهذه المشكله)
وبين
ان لا يكون هناك حل سوى البحث العلمي فقط (سيكون الدافع اكبر بكثير وعملي للغايه في الحاله الثانيه لانه لا بديل الا البحث العلمي

فعلا نحنا مابنعرف باي لحظة ممكن تطلع فكرة العلاج بس انتبه معي على فكرة سبق وحكيتها بالموضوع انو الدوا من لما تطلع فكرتو لحتى تتقرر تركيبتو بالضبط ولحتى تنعمل التجارب عن فاعليتو بشفاء المرض وبعدين عن اذا الو اعراض جانيبة فكل هالحكي بياخد وقت طويل جدا يعني بيكون المريض تعذب وشبع عذاب وبعدين مات وصارت عضامو مكاحل

وكمان اكيد القتل الرحيم مارح يحبط همة الاطباء والعلماء عن البحث العلمي ومارح يكون بديل عن البحث العلمي لعدة اسباب منها انو مو كل اللي بيمرضو بهالمرض رح يقبلو هني واهلون انو يتم عليون الموت الرحيم وبالتالي في ناس عم تضل عايشة هالمرض وكمان في ناس جدد عم تنصاب بالمرض..... وانا عندي توقع انو الموت الرحيم رح يكون دافع للاطباء يتسعجلو بالبحث العلمي اكتر لحتى ينقذو ناس اكتر من الموت سواء رحيم او غير رحيم

اذا كان عندك شخص عزيز عليكي (الله لا يقدر) ومريض بمثل هذه الامراض
صدقيني سيكون قرارك الوحيد هو بيع كل شيء تملكيه ,,
لان الامل موجود باكتشاف شيء جديد
والمستقبل دائما يحمل الينا المزيد من التغيرات التي قد تكون في مصلحتنا او في ضد مصلحتنا
ورأينا بعض حالات لم يكن لها امل من الناحية الطبيه في الحياه وقد عاشت واذا بحثتي بصوره غير شخصيه وموسعه سوف تجدي الكثير من هذه الحالات

اول شي لما بنحكي عن الوضع المادي مافيك تقول انو ببساطة خلي الناس تبيع كلشي عندها لانو في ناس بالاصل ماعندها والشغلة التانية انو المصروف المادي بالاغلب مارح يرفضوه الاهل بس المريض بنفسو رح يحس انو عم يظلم اهلو وهوي وهني عارفين انو هالمصروف هاد بس اطالة ايام بحياتو بس مانو علاج فعلي وبالتالي غالبا اللي رح يرفضو هوي المريض مو اهلو
ومنشان مستقبل العلاج ومفاجأتو رديت عليها بالقسم الاول من ردي

عند بعض الناس (قتل انسان حي) سوف يجعله يعيش بقية حياته في الم شديد وقد يكون اكبر من الم المريض المقتول

هلأ الناس اللي بتشوف انو الموت الرحيم عبارة عن قتل وبس اكيد رح يكون هيك احساسها
بس الناس اللي بتشوف بالموت الرحيم رحمة (وهوي اكيد) رح تتعذب لانو شخص عزيز عليها مات بس مارح تحس انو مات بسببها ولكن مات بسبب مرضو

وشكرا كتير محمد