أخي الكريم.. تحية طيبه و بعد
في عنا متل شعبي بيقول
( دود الخل منه وفيه )
ما بعرف شو ممكن احكي و قول
كلامك مزبوط بقدر ما هو جارح
خدام خائن...و هوخائن لسوريا
و لما قول سوريا بقصدسوريا البلد الي فيها
المسيحي و السني و الشيعي و العلوي و الدرزي....الخ
الي على مر أجيال ما سمعنا فيهم ولا فرقنا بينا و بينهم
ولا كان في عنا عنصريه تجاهم
شو بدي احكي... الحكي كتير و كبير
و الحكي طالع من قلوبنا و مع كل حرف طالع عمبيجرحنا من جوا
و مو بايدي ولا على بالي هلأ غير قصة صغيرة
لو فكرنا فيها لكان كل واحد فينا صار رئيس
صار ملك و سلطان
قصة السيد عمر بن الخطاب لما اجله رسول الفرس
و لقا نايم و قله
( حكمت فعدلت فأمنت فنمت )
لما ينحكم بالعدل
الناس بتحس بامان
و الامان بيولد الثقة
يلي بتخلي كل واحد يحط راسه على المخدة
باخر الليل و ينام مرتاح
انت يا اخي حكيت شي مزبوط
بس حبنا لوطنا و لأرضنا و بلادنا سوريا
وحتى نحنا بالغربه رافضين هالحكي
صاير فينا متل المتل يلي بيقول
( عيني في ... بس تفو عليه )
مو بايدي غير اني ادعي ربي و ادعي كل سوري
سوري بامن بالارضه و بدينه و بحفاظه على عرضه
ادعي ربي انو الله يهدي و يصلح قادتنا و ولاه امورنا
بدون ذكر اسامي لان القرار من وينطالع ما حدا بيعرف
ادعي اخواني و اخواتي السوريين ليكونو ايد وحدة
نقول لأ على الغلط بقوة و بصوت واحد
ونساعد لنبني أرضنا و لننشر ( الحكم بالعدل ) بيناتنا
مو صعبه القصةصدقوني
اخوكم
|