1- الإسم / بلد الأصل/بلد الإقامة/
هاني داغر بلد الاصل سوريا حمص المشرفة بلد الاقامة اميركا حاليا
2-العمر.... ولو إنو مارح نصدق
19 وشهر و22 يوم وصدق فيك تراجع ملفي اذا بدك
3برجك....وهل تؤمن بالأبراج
برجي الاسد بآمن فين اذا كان الحكي حلو ولمصلحتي 
4-هواياتك
المطالعة وكرة السلة والافلام والانترنت
5-ماذا تعني لك الكلمات التالية...الجواب بكلة أو إثنتين
السعادة
عيون عم تضحك
الحزن
طريق للسعادة
الغضب
قاتل في بعض الاحيان
الحلم
تفكير منطقي
الظلم
بكرهو
تعدد الزوجات
ماني معا او بالاصح ضدو
الخيانة
مستحيل ساويها
النجاح
سهل ممتنع
الملل
الله لا يملل مخلوق
النوم
كرهاني هالايام
السهر
رفيقي
الحب من جانب واحد
ضحك على اللحى
الموسيقى
مهدئ اعصاب ورسائل عشق
الجنس
ضروري بس كل شي زاد عن حدو نقص
الجمال
حبيبتي
الدمامة
كل شيء جميل لكن هناك الاجمل
الطبيعة
ام
الإيمان
ماني صحبة انا ويا
6-ماهو رأيك بالأخوية بكل صراحة
منيحة مرقت بفترة ركود وعم ترجع تتحسن ببطء شديد
7-ماهي أكثر المواضيع الملفتة للنظر بالنسبة إليك في منتدى أخوية
مواضيع النقاش اللي ممكن توصل لفكرة معينة تفهمك ياها او تصححلك افكار كانت براسك
8- أقوى مشاركة شاركت بها؟؟؟
مشاركات المقلاي
9-من هم الأعضاء في منتدى أخوية تجد بينهم وبينك قاسم مشترك
في كتير في ليلى وجاد وسيريان انجل وامراة من ورق وجيدا وسرسورة خيو لسهلا عليكن روحو على شلة حبايبي في تنين يمكن او تلاتة شيلون والباقي بلاقي بيني وبينن قواسم مشتركة
10- من هو العضو المميز بالنسبة الك؟؟؟ مافي مهرب من الجواب
من اي ناحية
ان قصدك من ناحية الشخصية في عندك جاد ونيرفانا وذا لايت
من ناحية الذكا وحسن النقاش في عندك سيريان انجل وليلى
قلي من اي ناحية بدك (طبعا ممكن تتقاطع اكتر من ناحية بشخص واحد )
11-حدد أفضل 10 أعضاء بالترتيب بالنسبة لالك ...ولماذا
نقي اي عشر اعضاء من القديمين نسبيا باخوية (مع بعض الاستثناءات)
12-حدد أتعس 3 أعضاء بالنسبة الك
نقي اي تلت اعضاء من الجداد نسبيا باخوية (مع بعض الاستثناءات )
13-إذا كنت في مركب لا سمح الله يغرق وبإمكانك إنقاذ شخص واحد مع وجود كافة الأحبة والأقرباء على المركب فمن تنقذ؟؟؟؟؟!!!!!!
حبيبتي
14-أجمل بيت شعر قرأته وأنت معجب به؟
بيتين شعر انا كتبتن بيوم من الايام ما الن لا وزن ولا شي بس حبيتن ما بعرف ليش بيقولو
عيناكي اه عيناكي جميلتان زرقاوان سببتا لعيني الارق
بحران ما احلى العوم فيهما واحلى من العوم الغرق
15-ما هو مثلك الأعلى في الحياة
اكتر من مثل بكل قصة بحياتي اعتمدت على واحد او خليتو هوي مثلي الاعلى لقدرت اتجاوز هالقصة بنجاح
واذا كنت قاصد المثل يعني قول ، فاكتر مثلين بحبن / ما كل ما يلمع ذهبا و اذا كان الكذب ينجي فالصدق انجى وانجى
16-ماهو طعامك المفضل؟؟؟!!!!
الرز اي اكلة فيها رز مقتلي ما بنصح حدا يعزمني على اكلة فيها رز
17-هل أنت مرتبط...... الجواب إختياري
مرتبط والحمدالله باحلى بنت بالعالم
18-ما هي أجمل لحظة في حياتك.... وماهي أتعسها
اجمل لحظة بحياتي وقت قالتلي بحبك
اتعس لحظة وقت ودعت شلتي بالبيت وبالمطار قبل ما اجي على امريكا
19-حلم حياتك.... ماهو ....ولماذا؟؟؟؟؟
من الناحية الدراسية اني اتخرج وكون ناجح بحياتي المهنية
من الناحية الحياتية اني اتزوج البنت اللي بحبا ونكون عيلة وحدة مو ناقصا شي
20-ما هو أجمل إختراع تم إلى هذه اللحظة في رأيك
انو كل اختراع الو ميزاتو بس اكتر شي بيشدلي انتباهي هوي اي شي الكتروني مع طريقة عملو
21-من هو المطرب المفضل
بسمع للكل ما عدا هاني شاكر بس مجملا اكتر مطربين بحبن وائل كفوري كاظم الساهر وعاصي حلاني والياس كرم
22-ما هو اليوم اللذي تمنيت أن لا يأتي
اسا ما في يوم تمنيت انو ما يجي وانشالله ما بيجي
23-بتحب القلي ولا الشوي
السلق
24-حدد أهم ثلا ثة أجهزة في البيت
البراد والهاتف والكمبيوتر
25-أيهما أصلح بالنسبة للفتاة ...العمل أم المنزل
العمل
26-هل تؤمن بالمساواة بين الرجل والمرأة
اكيد انا ما بحب التمييز شو من كان شكلو واكتر الشي بين الرجل والمرأة
27-الرجاء تلخيص مامعنى كلمة الحب في 500 صفحة من الحجم العادي
ما في داعي ل 500 صفحة كلمتين خفاف نضاف
الحب ليس حبا ان لم يكن حب حبيبتي