اقتباس:
كاتب النص الأصلي : ayham-hemo
أخت هاياس، سؤالك أما بينطوي على ضعف بالصياغة وضبابية الفكرة، ولازم يتكمل بشروط تانية، أو على ذكاء حاد وبعد نظر بعيد وتحليل فلسفي عميق، راح افترض الحالة التانية وراح جاوب عليها.
التناقض بينشأ -حسب مفهومي- من الاختلاف والتعاكس والتضاد، وهادا الشي ليظهر، لازم يكوم بانسياق زمني محدد، أو بأختلاف مكاني ما، وبما أنك مشترطة التوحد الزماني والمكاني، فبرأيي ماعاد في تناقض لانو كل المفاهيم اللي بتعرف هالتناقض اندمجت مع بعض، متل الانشطار الذري، بتبلش بذرة لتكون مجموعة ضخمة من التفاعلات والانشطارات والجزئيات ونشر هائل للطاقة، هادا التفاعل المتسلسل بكل ما بيحتويه من أجرائيات فيها اتفاقات وتناقضات، ولو عكسنا هالعملية لوجدناها ذرة، بمعنى احتوت كل الافعال اللاحقة ان كانت اتفاقية او تناقضية، فبالتالي التوحد الزماني والمكاني بيلغي كل اشكال التجمع والتفرقة، التوحد والتناقض، بيجمع كل شيء.
وطبعاً نحنا عمنقدم هون نظرة فلسفية، اكتر ماتكون واقعية، لأنو هالحالة ما عشناها، لنقدر نحللها، وفقط الخالق عز وجل بيقدر يعرفها، بحكم انو سبحانو هو اللي خلق الكون بكل ابعادو الزمانية والمكانية -هي الابعاد اللي بنعرفها فقط على فكرة-، وبيعرف شو ممكن يصير بعملية العكس والدمج بين بعض.
بس على فكرة سؤال بقمة الذكاء وقعت أغلب الحاضرين بحيرة من الأمر، وأرباك واضح، بتمنى كون قدرت افهم السؤال وجاوب عليه بالشكل المرضي، ودمتم.
الله حيوووووووو الدعم اللوجستي
|
انا معك بكل هالحكي في حال عم تحكي عن شخص عادي
يعني وقت بيجي واحد بيعطيك راي حول موضوع معين وبيرجع بعد فترة طويلة بيقلك راي تاني هون ما في تناقض لانو ممكن يكون صار بيعرف اكثر عن هالموضوع او اقتنع بفكرة تانية محددة
فهوي ما ناقض حالو انما طور افكارو
بينما عندما يتعلق الامر بالخالق (على اعتبار انو موجود وانو بيعرف كل شي ) ما فيك تقول عندما يصدر رايين مختلفين خلال زمنين انو مانو متناقض لانو طور معرفتو وافكارو بالعكس هون بتلاقي في تناقض كبير وكبير انو شو عم يلعب معنا (بعرف في كتير عالم ما رح تحب هالجملة بس ما لقيت غيرا حطا )
فبهالحالة هاي انا مع عدم تحديد زمن او مكان بالعكس لازم يتوحدو هالازمنة والامكنة
بالنسبة للاخ فادي 007 خيو هون ما عم نحكي عن التناقضات اللي خلقا الله متل الليل والنهار والخير والشر ونور وعتمة ومن هالحكي بس عم نحكي انو بوجود الخالق خلينا نقول تجاوزا بافعالو واقوالو (اللي نزلت بالكتب المقدسة ) في تناقض او لاء انا برايي في وبشكل رهيب