[عاشق من فلسطين]

مشكور أبو مارل .. وأنا الحقيقة من الناس اللي عم تعاني من هالمشكلة .. وعم اشتغل 12 ساعة يوميا" مقابل أجر (3500)
لا وحاسس حالي كمان أنو فرصة ثمينة .. لأنو ما عاد في شغل بالبلد ..
لك اذا بدك تصير عامل تنظيفات بشي محل .. بدك واسطة ..
ولسا بتجي عالم بتقول أنو والله الحكومة عم تشتغل ..
أي هلا عملو بناء بالمزة جنب القصر العدلي .. تابع لرئاسة مجلس الوزراء .. اسمو يمكن مركز مكافحة البطالة ..
تكلفتو على ما اظن بتفتح خمس معامل .. فيك تشغل بكل معمل 100 شخص على الأقل ..
يعني مبنى افخم من السيتيمول والقصر العدلي ومجلس الوزراء ..
وكرمال شو .. كرمال على أساس يوسعو دائرة البحث في أسباب البطالة وحلولها .. ويفرغوا مبنى طويل عريض لدراسة المشكلة ..
علما" أنو اذا بتتحول كل أبنية سورية لمكاتب لمكافحة البطالة ... مارح تنحل المشكلة ..
لأنو المشكلة حلها بيكون بفتح مراكز مكافحة بطالة في نفوس الحكومة وداخلها .. وليس بالأبنية ..


مشكور على المقال أب مارل ..