[ayham-hemo]

قلعة الدموع مشكور على هالعرض الجميل واللطيف ولو انو منقول، وكنت متمني تنقل قناعتك وتجربتك الشخصية، لانو الفائدة هي بنقل تجاربنا وقناعاتنا مشان نتطور فيها، ومو نكتفي بتجارب غيرنا، ونحللها، المهم الي حبيت احكيه هي شغلات راحت عن بال كاتب المادة الاصلية يذكرها لحماية هالعلاقة من السلبية:
المبادرة: ليش لنتنظر روبي -يعني نصك الحلو- ليقوم بخطوة حتى تقوم بخطوة مماثلة أو أكتر، ليش ما نكون مبادرين بخطانا لحماية حبنا وجعله أجمل وأنقى.
عدم أجتياز قلاع حبنا: بمعنى عدم السماح للناس وكلامها وتصرفاتها، بأختراق هي العلاقة، وتحاول تملي علينا شو لازم نتصرف أو نعشق، حلو نستفيد من تجارب غيرنا، بس مانسمح أنها تسيرنا كأنو حجار شطرنج برقعتها، والاهم من هيك مانعطي سمعنا الهم، الناس -قسم كبير منهم- همهم يقرقو بين الحبيبين ويخربو علاقتهم الحلوة، ليش لنفتحلهم مجال ونخليهم ينتصرو علينا، لانتدخل بخصوصياتهم ولا نسمح لحدا يتدخل بخصوصياتنا.
التفضيل: لازم قبل ما نحب شي لنفسنا ونشتهيه ألنا، نحبو ونشتهيه لروبي، نفاضل بسمتو وسعادتو على فرحتنا وسرورنا.
التضحية: مو غلط أني ضحي مشان محبوبتي، دون مايأثر على كرامتي أو تكون التضحية فقط من طرفي، لأنها بس كانت على كرامتي وعلى حسابي فقط أنا خسرت كتير وبخسارتي خسرنا نحنا التنين، ولتجنب أنونفشل لازم ما نسمح بتجاوز الخطوط الحمر بالتضحية.
السماح: ليش ماكون السباق بمسامحة حبيبي وأغفر خطئو وذنبو اللي اقترفو بحقي، ليش لخلي الزمن ينتصر علينا ويخلينا نبتعد عن بعض مهما كان غلط اي واحد فينا.
المشاركة: ليش ما اتشارك حبيبي مشاكلو وهمومو ويشاركني بالمثل، ليش ماساعدو بكلشي بقدر عليه -من مواقف وأعمال ومسؤليات- وهون يبادلني المثل، بالعكس هادا بيوحد روحينا وبيخلينا روح وحدة بعقلين وجسدين.
القناعة: لازم نكون مقتنعين بالكنز اللي عنا وحمايتو والدفاع عنو، ومانخلي حدا يوهمنا أنو في أثمن منو، ويخلينا نحس حالنا مغبونين ونحاول البحث عنو، لازم نكون مقتنعين بغلاوة نصك الحلو، وتعرف قيمتو وقدرو، وماتسمح للأفكار السخيفة او الكلام السطحي بتغيير هالقناعة.
بتمنى هيك كون خليت المادة متكاملة، وذكرنا كل السلبيات اللي ممكن تكون السبب بهدم وتخريب أجمل علاقة بالكون وأسماها وهي الحب، ودمتم.



الله حيوووووووووو الدعم اللوجستي