هاي شبيبة
انو صحيح فاجأتوني لأني ما كنت متوقع لاقي تجاوب بهالموضوع
هلق حابب رد ع السريع ع كم شغلة من الردود السابقة
اقتباس:
|
اي اي عم نفوت ... بس مو بالضرورة ننزّل رد وقت اللي بندخل لنحمّل كتاب
|
اي هاد الشي بيسعدنا نعرفوا وبصراحة ما كتير بيهم انو تنحط ردود او لاء بس المهم الواحد يعرف انو في عالم عم تستفيد من الشيء يللي عم ينحط بالمكتبة
اقتباس:
|
وفي طبعا تأثيرات لتكنولوجيا العصر والحالة الاقتصادية والطبقة الاجتماعية وأهم شي سياسة التجهيل اللي قامت بها الدول الاستعمارية سابقا وامريكا حاليا
|
كل الاسباب يللي ذكرتيها منطقية الا سبب الاستعمار يللي انا بعتبرو انو علاقة التياب يللي عم نعلق عليه اخطاءنا وراح نضل نغلقه عليها تلاتمية سنة....أنا ماني شايع علاقة بين الاستعمار يللي خلص بسورية من ستين سنة وبين الجيل الجديد يللي معظمو لاحق السخافة.....
اقتباس:
|
بالاضافة انها اثرت على دول متل المغرب العربي ولبنان لدرجة انو الشعب بيحكي فرنسي احسن ما بيحكي عربي
|
طيب ليش ما بيقرو كتب فرنسي؟؟؟؟لانهن عرب وتنابل
اقتباس:
|
انا بفوت عالمكتبة من وقت لتاني..... بس كل مابفوت وبيعجبني كتاب بحاول نزلو مابينزل بقوم بعصب وبكتأب..... مابعرف اذا المشكلة بجهازي او شو؟؟؟
|
بعتقد انو المشكلة من عندك يا امراءة من ورق هي انتي ونيرفانا كمان....
اقتباس:
|
يعني بعمل مكتبة تقليدية وليس مكتبة الكترونية
|
انو معك حق....ان هي كانت فكرتي من قبل بس شوي شوي صرت غير رأيي وحاليا ما عاد اشتريت ولا كتاب بالعربي الا الشغلات يللي ما بلاقيها....صار عندي مكتبة ع الكمبيوتر تبعي بتخوف والاروع من هيك انو بتضل معي رغم انها ضخمة وكبيرة كتير...يعني وين مارحت صرتا قادر اني اقرا سواء بالقطار او بالجامعة او حتى بالجنينة مدام كل شي موجود ه الكمبيوتر....يعني بصراحة هلق هاد العصر هيك صار ماشي....
ع كل حال منيح انو قدرت افهم شو المشاكل يللي عم تصير بس للاسف بيتدايق الواحد وقت بيشوف اعضاء متلكون ما عم يقدرو يستفيدو من المنتدى
يعني اذا انتو وش السحارة هيك...معناتها البقية بسلامتكون...ما بيعرفوا انو عنا مكتبة من الاساس....