[f.y]

فخلينا نخترع شي اسم جديد للشباب اللي مو عاجبون الوضع بالموزمبيق وبيجو لهون ليفشو خلقون ,, لأنو بالعالم الحقيقي اللاأنترنتي ,,بينفش حنكن أذا بيحكو أو بيفكرو يحكو نص الحكي اللي بينحكا هون ...

للأسف يا صديقي معك حق ,بس بوقت صار فيه الكلمة يللي بتكتبا فيه يقراها
كتيرين وين ما كان معناتها في شي عميوصل .وبعدين لا تنسى إنو المعارضة هي فكرة مانا شخص يعني في شخص عندو أفكار معارضة بهالمرحلة بيجوز لما تنتهي المرحلة يبطّل معارض ……والعكس صحيح….يعني هيّ مرحلة بيكون عندك فيها أفكار معارِضة عمتوصلني .

وكونك شايف انو في غلط...فبعتقد انو مارح تطول لحتى تاخد قرار

والله يا غالي يللي شايف إنو ما في شي غلط هو أكيد مانو شايف شي بس خلّيني ألفت انتباهك لشغلتين مهمّين :
الأولى :إنو ممكن يكون عدم اتخاذ القرار بهالمرحلة هو واحد من الخيارات المطروحة .يعني قرّر إنو لازم اسمع وجهة نظر اليمين واليسار مشان شوف الأفضل للوطن وطبّقه من دون ما أتحزّب لواحد منهن .
الثانية:الشخص يللي عم يدخل حوار لأنو يساري عم يدخلو وأساس صفته إنو يساري بالنسبة لجماعة اليمين,والعكس صحيح .فإذا واحد من الطرفين حبّ يحذف الطرف التّاني فهو بيكون عم يحذف أساس صفته يللي هو موقعه بالنسبة لهداك الطرف.مشان هيك وين ما كنت وشو ما قررت ما لازم أحذف تاني طرف من قاموسي حتى لو كان بعيد عنيّ……

وميّة وردة لرفيق عمري أبو الليل