[oliver68]

كاتب النص الأصلي : doda

حبيبي ميرسي على النصايح تبعك بس بدي اقلك شيء انا بشتغل في اكاديمية عسكرية يعني انا متل ما قلت لصديقة على المنتدى انا ظابط مهندس حاسب الي يعني شغلي بيحكم عليا اني اناقش هيك مواضيع و اشوف حل لهيم مواضيع اوكيه ؟
و بعدين انا بدي رايكن مشان الرسول نفسه قال الراي شورى بينكم !
فلازم اني اكون مستعينة باراءكم الجميلة مو هيك ؟
و مع كل حال اذا الموضوع كتير مزعج لها الدرجة انا ممكن اني اطلب من الاشراف بحذف هايدا الموضوع؟
و ميرسي الك مرة تانية

عزيزتي دودو أنا آسف إذا أزعجتك بطريقة معينة، بس عنجد ما كان قصدي، كان قصدي إني شارك بالموضوع و إبدي رأيي متل ما كان بدك مننا، بعدين أنا بشجع النقاش بهيك مواضيع، ماني متخلف أو متحجر، و أنا عطيتك حل، يعني ما بظن إني تفلسفت زيادة، على أي حال كمان مرة بعتذر إذا فهمتيني غلط أو دايقتك بشي كلمة، و بعدين النصيحة اللي حكيتها مو موجهة إلك بشكل خاص، أنا بعرف شو إنتي من خلال تعليقاتك، بعدين مافي داعي ينحذف الموضوع لأنو ما نافى الأخلاق أو القيم الإنسانية، بالعكس يمكن يحل مشكلة أخلاقية نفسية بحاجة للاهتمام و إيجاد الحلول.
آسف مرة تانية.