[ayham-hemo]

أي بعد انت وياه وياها شبكم شو صرلكم شي قلبها أغاني وشي قلبها مناحة لك شو صاير فيكم.
وأنتي صاحبة الموضوع تعي لهون شو ساكنة بفرع أمن وكل حركاتك مراقبة ويدك تتصرفي بحريتك ومو طالع بأيدك ولا بمبنى الاذاعة والتلفزيون قسم الاعلانات حتى مجننتك الاعلانات المطئطئة,
شبكم عابشين ماضيكم كأنو مالكم لاحاضر ولا مستقبل،يا جماعة الماضي هو بنجكتور ورانا مشان نكمل طريئنا بالاسلوب والشكل اللي بنريدو وأكيد الزمن مارح يرجع لورا ليش موجعين راسكم يعني.
حلو نحط شريط الذكريات ونسلطن عليه ونستذكر اللحظات وأحلى مقاطع فيه، بس أذا بدنا نندب عليه ويصير كل واحد فيكم بحرة من الدموع أي ولي على ئلبي لكن.
وبالنسبة للناس، ما ولا ولن تترككم بحالكم وراح يضل مراقبينكم ويعلقو على كل حركة بدكم تساووها، فليش تتشيلو كلامهم من أرضو أو أفكارهم أو نظراتهم، تصرفو على طبيعتكم وتصرفو بالشكل والطريقة اللي بترضيكم وتكون مقنعة ألكم، وعلى ئولة المفكر الاستراتيجي الكبير جورج وسوف: كلام الناس لا بيئدم ولا يأخر....
لهيك لهدول اللي عميحطو ما بعرف مين ليغني ويسمعولو وبيعيدو وبيفتئو فيه ليل نهار، ليش هيك عمتعملو بحالكم مافي شي مستاهل ماراح ترجعو الزمن مهما نتفتو بحالكم بالعكس عيشو لحظاتكم وخلوها أحلى من الماضي، ولا تئولو ما بنئدر وما بيصير وضراب السخن، في متل بيئول:
أن لم يكن ما تريد، فأكن ما تريد.
لهيك الله يرضى عليكم فرطو هالأصة وغيرولي هالافكار السودة من راسكم أحسن ما تعصبوني وأدعي عليكم أنو تنئطع المي عن بيتكم لمدة شهر ايوااااااااااااااااا.


الله حيوووووووو الدعم اللوجستي