[krimbow]

من يومين وصلني عن طريق syria-news رسالة كاتبينا ((مثقفين من أجل سوريا))
و بعد التحيات و الشبوش للقيادة التاريخية و الإثناء على قرار سحب الجيش السوري من لبنان (كأنو كان في غيرو قدامون) حطوا الشباب الطيبة بذيل الرسالة كم مطلب من مطالبنا
و طلبوا التوقيع
مع انو ما بعرف مين هدول ((مثقفين من أجل سوريا))
مع انو ما بعرف لمين عم يوجهوا الرسالة (كوفي عنان و اللا الست كوندا و اللا مين)
بس هنين بكل وقاحة طلبوا مني انو وقع
الشي يللي بيجنن انو الناس مفكرة انو حايالله واحد دخل جامعة او قرا كم كتاب صار مثقف
يعني حايالله واحد متل خرفان بيك صار مثقف
انا ماني عم قول انو المثق لازم يكون دكتور او مهندس بس لازم يكون عندو كمية ضخمة جدا من المعلومات عن شؤون الحياة و الأهم من هيك انو يكون عندو نظرة تحليلية او استقرائية لحتى يقدر يساهم بتطوير المجتمع
الماغوط مثلا مانو اكاديمي لكن بالتأكيد مثقف
لحتى تقدروا تكشفوا المثقف من المدعي بدي تعرفوا انو المثقف بيقدر يتنبأ شو حيصير بالمدى القريب أما المدعي فبيضل يلف و يدور حول الموضوع و يجيب اقتباس من افلاطون و أقوال من فرويد و يمكن يدحش بطريقة خنفشارية سعاد حسني بالنص.... المهم انو يفهمك انو هوي بيعرف هالناس .... طبعا بدون ما يوصلك لولا نتيجة إلا اذا قرا شي حل كاتبو مثقف حقيقي مطمور بيقوم بيتبنى هالحل

مشكور ياس
مقال رائع متل العادة