اقتباس:
كاتب النص الأصلي : TheLight
يا وائل المكتوب هون هو غيض من فيض حلقات الخنوع والضعف العربي يللي انعرفت بدايته وما انعرفت اخرته
صار الدم العربي والشرف العربي والكرامة العربية رخيص
وصارت صرخة الام العربية يللي عم تنعي ابنهاالميت بحضنها رخيصة
وصارت دموع الاب العربي يللي عم يشوف اولاده بكل لحظة عم يتساقطو كل لحظة رخيصة
وصارت احلام الطفل العربي بكل بلد عربي من العراق الى لبنان الى فلسطين رخيصة
لأن المؤامرة صارت اكبر منا بكتير
اكبر من انو الانسان العادي يقدر يفهمها او يقدر يحل شيفرتها
وهالمرة لانها محاكة بالتعاون مع حكامنا ورؤسائنا الخانعين الضعفاء
وبالتعاون مع الرموز الدينية المتطرفة يللي ما عم توقف للحظة واحدة عن طعن الامة العربية من الخلف بسكينة التطرف والارهاب
بال 70 كان العدو معروف وكان الحليف معروف
اما هلق ما عدنا نعرف مين عدونا اذا هو يللي قبالنا ولا يللي معنا بالخندق وعم يعطينا الاوامر
ما بعرف اذا طلعت برا الموضوع بس بقدر قلك انو نحنا صنعنا المهزلة والهزيمة بايدنا
لانو قبلنا نبقى تحت اجنحة هيك حكام وقيادات وزعامات
الامل كبير والحلم كتير كبير بس الاكبر منهم كلهم هو السؤال
كيف؟؟؟؟؟؟؟
|
والله عزيزي اني قشعر جسمي وانا بقرا كلامك
سؤالك اجابته سهلة كتير وقت يلي بنصير بشر وبنحمل معنى هالكلمة اكيد راح نحل شيفرات كتيرة وراح نقطع اجنحة كتيرة وراح نقيد نيران كتيرة تاكل كل يلي تامروا وخانوا
يمكن هالكلام صعب شوي لكن مو مستحيل
والدليل لو نظرت النا راح تلاقي اجنحة الطغيان عم بتحاول تحتوينا لنكون سند وعون الها حتى تسهل مهمتها يلي انوضعت الها بواشنطن
لكن لحد هلاء ما قدروا يعملوا شي وان شاء ربك ما راح يقدروا
بتمنى الله يصلح احوالنا ونبقى بشر
تحياتي الك يا غالي
