[فلسطينية الشتات]

كاتب النص الأصلي : وائل 76

ما بعرف شو قلك
لكن يلي بقدر قوله بس هو انك كتير بتحملي اصرار وعزيمة يمكن لانك بعيدة شوي عن البلاد
ما معنى كلامي انو نحنا متشائمين بالعكس
نحنا متفائلين كتير لكن تفائلنا هذا بنعبر عنه بطريقة مختلفة شوي ما بفهمها غير يلي حس بالمرار يلي عم بنعيشه هلاء
وانتي اكيد وحدة من هالبشر يلي حست بهذا المرار لكن بتحاولي تضحكي على نفسك وعليا
على كل حال بيبقى املنا بالله كبير انو يجي فجر جديد ويكون اكثر اشراقا مما نحن فيه
بس بتمنى انو ندرك هذا الفجر



تحياتي الك يلي اسمك بيحمل معاني كتير حلوة ونحنا فاقدينها

بعدنا عن الارض مستحيل يكون بحال من الاحوال نسيان للقضية او قبول للواقع اللي بنعيشه، طموحنا ونظرتنا للمستقبل بتتعزز من نظرتنا لواقعنا وماضينا.

المرار اللي بتعيشوه انتوا اهل الداخل صدقني لا يختلف عن المرار اللي بنعيشه احنا بلجوؤنا وشتاتنا، وبجوز مرارنا اصعب من مراركم، على الاقل انتوا لسه بفلسطين حتى لو مش بقراكم الأصلية بس انتوا فعليا بفلسطين، والمرار اللي بتعيشوه بتأثير من الاحتلال، لكن احنا والحمد لله على كل شيء مرارنا بفعل انظمة عربية لكنها باعتنا وباعت العروبة ومشت في ظل الكيان الصهيوني .

انا لا بحاول اضحك على حالي ولا على اي حد ثاني، لكني ارفض اني اعيش في ظلال الاحتلال وافقد الامل في الحياة، الحياة مهما كانت سيئة بضل في شعاع امل مع كل خيط شمس ومع كل طلة صبح، عشان هيك دايما اصنع فرحك من عمق مأساتك، وما اتوقع في مأساة اكبر من مأساة التشتت واللجوء ..


خليك دايما متفائل يا صديقي وما تتجرع المرار بكل لحظة