هلق كل اللي قالو مانويل مزبوط..بس بيرجع بدور حول نقطة أساسية..و هي أنو العضو عم يكتب و يشارك بالمنتدى بهدف نيل الاستحسان ..أو بانتظار تصفيق المشاهدين ...كما لو أنو بالمنتديات في مشاهدين ؟؟
يعني هون يخطأ العضو عندما يعتقد بأن المنتدى هو ساحة لكسب المجاملات أو لتكوين معجبين ...و هون اللي بصير أنو اذا ما قدرنا نحصل على التصفيق ...منلجاً لاستدرار الدموع و العواطف ..و الوداعيات .
المنتدى ماهو خشبة مسرح ..ولا الأعضاء ممثلين عم يعرضو لجمهور....المنتدى طاولة مستديرة للحوار...او أحياناً بكون بمثابة بئر الصراخ ....و خصوصاً بالمجتمعات المكمومة الأفواه ...يعني هو مكان منقدر تحكي في و ببساطة.
هلق هون عاد ما حدا مجبور ينضم لمنتدى...يعني في مليون منتدى ع النت ...و ما حدا بيجبرني اني كون عضو هون لاتحمل غلاظات هالمشرف ..او اني اتعرض لضغوط او تهميش عصابة ما بالمنتدى الفلاني ( مع اني من مؤيدي تعدد العصابات داخل المنتدى الواحد
) ....يعني ..اما انو انا برتاح بالكتابة هون او لاء..او انو انا في عندي شي اعملو هون او لاء ..و ببساطة ...بجوز كون انا ما بطيق هالمنتدى وما بحبو منوب بس فايت اتحاور ..او فايت اطرح رأي ....بس ما لازم أبداً يتحول المنتدى لبديل عن الواقع ...او أنو يكون تعويض عن الحياة العاطفية الغائبة المغيبة بالحياة الواقعية ..
J.S: Death is the solution to all problems. No man = No problem.