اقتباس:
كاتب النص الأصلي : فلسطينية الشتات
نور عيني وائل تسلملي شو انك كبير وفهمان
لكن خيانة الانظمة مش معناها نهاية الدنيا، النظام الفلسطيني ولا استثني منه واحد اوطى من اللي برجلك، بدءاً بأبو مازن وانتهاء بأصغر فرد بالسلطة.
وصدقني مهما طال الوقت لا بد من انه يكون في رصاصة ترجع كرامة دم كل الشهدا اللي سقطوا وهذا الوقت بإذن الله مش بعيد.
عمالة اوسلو وعمالة مدريد وكل الاتفاقيات والمعاهدات والتفريط اللي صار مش الشعب اللي بيتحمل ذنبه، اللي باعوا وخانوا وفرطوا هم اللي ساوموا على القضية ودم الشهدا، لكن بإذن الله نهايتهم قربت وصبرا جميلا والله المستعان. وإن غدا لناظره لقريب.
خلي ايمانك بربنا كبير، وكل يوم ذكر حالك انه راح يوم سيء واللي جاي ممكن يحمل الافضل خلينا على الأمل.
مثل ما قال سميح شقير
لوما الأمل شو بتنكسر الارواح
لوما الامل لوما الامل لوما الامل يا محلاه
واحنا والحمد لله ارواحنا عمرها ما انكسرت، واكيد ما رح تنكسر الان
مشوارنا طويل، ممكن ننحني في بعض اللحظات لحتى نقوم اقوى لكن اكيد عمرنا ما بننكسر
|
ما بعرف شو قلك
لكن يلي بقدر قوله بس هو انك كتير بتحملي اصرار وعزيمة يمكن لانك بعيدة شوي عن البلاد
ما معنى كلامي انو نحنا متشائمين بالعكس
نحنا متفائلين كتير لكن تفائلنا هذا بنعبر عنه بطريقة مختلفة شوي ما بفهمها غير يلي حس بالمرار يلي عم بنعيشه هلاء
وانتي اكيد وحدة من هالبشر يلي حست بهذا المرار لكن بتحاولي تضحكي على نفسك وعليا
على كل حال بيبقى املنا بالله كبير انو يجي فجر جديد ويكون اكثر اشراقا مما نحن فيه
بس بتمنى انو ندرك هذا الفجر
تحياتي الك يلي اسمك بيحمل معاني كتير حلوة ونحنا فاقدينها
