[فلسطينية الشتات]

كاتب النص الأصلي : وائل 76

كلامك مقنع فلسطينية الشتات
لكن نحنا فقدنا كتير اشياء يعني لو كان الوضع عندنا عادي متل باقي البشر اكيد راح يكون اهون لانو بيبقى في وقت لتعوض يلي فقدته
لكن انتي بتعرفي انو نحنا وضعنا اصعب لانو ما عاد في عندنا وقت للتعويض
لكنها حكمة الله انو نفقد اشياء وما نقدر نعوضها لانو الله متاكد من انو نحنا اكيد راح نتحمل المرار هذا
يمكن لو تعرض غيرنا اله اكيد ما راح يقدر يتحمل
لكن نحنا مر علينا اكتر من هيك بكتر لذلك صار عندنا مناعة ضد الهزيمة والنكران


لكن وقت يلي بيكون الامر خيانة بيكون كتير صعب
انتي شايفة نقدنا هون بمواضيع النظام الرسمي العربي اصعب من نقدنا لاسرائيل لانو هما يلي خانونا
والمعادلة عندي هلاء متساوية قيسي خيانة النظام الرسمي لفلسطين راح تعرفي حجم المرار يلي بشعر فيه

تحياتي الك عزيزتي واختي فلسطينية الشتات ولك كل الحب والتقدير

نور عيني وائل تسلملي شو انك كبير وفهمان

لكن خيانة الانظمة مش معناها نهاية الدنيا، النظام الفلسطيني ولا استثني منه واحد اوطى من اللي برجلك، بدءاً بأبو مازن وانتهاء بأصغر فرد بالسلطة.

وصدقني مهما طال الوقت لا بد من انه يكون في رصاصة ترجع كرامة دم كل الشهدا اللي سقطوا وهذا الوقت بإذن الله مش بعيد.

عمالة اوسلو وعمالة مدريد وكل الاتفاقيات والمعاهدات والتفريط اللي صار مش الشعب اللي بيتحمل ذنبه، اللي باعوا وخانوا وفرطوا هم اللي ساوموا على القضية ودم الشهدا، لكن بإذن الله نهايتهم قربت وصبرا جميلا والله المستعان. وإن غدا لناظره لقريب.

خلي ايمانك بربنا كبير، وكل يوم ذكر حالك انه راح يوم سيء واللي جاي ممكن يحمل الافضل خلينا على الأمل.

مثل ما قال سميح شقير

لوما الأمل شو بتنكسر الارواح
لوما الامل لوما الامل لوما الامل يا محلاه

واحنا والحمد لله ارواحنا عمرها ما انكسرت، واكيد ما رح تنكسر الان
مشوارنا طويل، ممكن ننحني في بعض اللحظات لحتى نقوم اقوى لكن اكيد عمرنا ما بننكسر