اقتباس:
كاتب النص الأصلي : Nirvana
انا لهون ورح وقف نقاش ..
الاردن هي وطني وأرضي وشعبي .. وأنا بحترم كل انسان مهما كان أصلو أو دينو أو جنسيتو أو لونو ..
بس ملاحظة: بعرف انو عنا بالأردن في شغلة اردني فلسطيني .. بس من الطرفين ..
وبفلسطين كمان ما بحبو الأردنية ..
عكل حال هاد مو موضوعي .. واذا بدكم تحكو بهالموضوع حطو موضوع اسمو اردني وفلسطين .. واحكو فيو ..
لاني هون بحكي عن الوطن .. الوطن وبس ..
|
نرفانا العزيزة اسمحيلي قلك انتي مخطئة بتصورك
نحنا هون ما بنكره حدا بالعكس كل الشعوب العربية بنحبها لانو تاريخنا دمنا حاضرنا مستقبلنا قضيتنا واحدة
ما ممكن تكون هاي الاشياء بتجمعنا وننظر لاشياء تافهة بتفرقنا
ثقي تماما ان كل محاولات التفرقة واثارت النعرات ما هي الا خدمة لمصالح مشبوهة لان وحدتنا خطر على تلك العروش الخاوية
وخلينا نستمر بالحكي عن الوطن ليكون حوارنا مثمر وبناء
بس بتمنى هلاء لما نحكي عن الوطن نحكي عن وطن كبير بنتصوره بدون تلك الحدود والحواجز
وطن بيجمعنا كلنا مسيحين ومسلمين
شيعة وسنة
يسارين ويمينين
كل هاي التناقضات صغيرة كتير امام الاشياء يلي بتجمعنا
بشرط ان نكون بشر ونفكر مثل البشر
تحياتي للجميع
