[فلسطينية الشتات]

كاتب النص الأصلي : جورج الأول

مع احترامي لرأيك بس هالكلام ناقص .بأيدك ان الموت حرية كاملة وقلتها بموضوع الحرية يلي طرحتو نيرفانا بس التغير ارادة داخلية و انت بتحققها.يعني بالمشرمحي في أكتر من انو الواحد يموت ,هي أسوء شغلة بتصرلوه ؟طيب بما انو انت مستعد لفكرة الموت أي شئ تاني بصير سهل؟حابب تساوي شئ ساويه شو رح صرلك يعنيأكتر من الموت ؟ ما بعتقد.على فكرة لما بتحس الموت سهل وبتتقبلو بتصير الدنيه أحلا و أسهل للفهم.سلام

والله بتحكي صح جورج،

فعلا لو فكرة الموت صارت قناعة وصار تقبلها مفروغ منه، اي شي بعد هيك بصفي ولا شي،

لكن .............

ليش اصلا تفكر بالموت وانتا لسه عندك الحياة، تفكيرك بالموت تعبير عن شيء داخلي، لكن الرغبة بالموت والتفكير المتواصل بالموت بسحبك شوي شوي برة حياتك.
حتى انه الحياة بتصير غريبة ومربوطة بفكرة مغايرة وهي الموت، الأولى انك تحاول تعزز الحياة حتى تقدر تواجه فكرة الموت انها انهاء للحياة، ومش تغيير ارادة.

بعدين يا اخوي يا وائل، مين في الدنيا قادر يحقق اللي بده اياه، براهنك على اي شي بدك اياه انه ما في حد بالدنيا كلها اخد اللي بده اياه وبأي شي.

لا عيشة عايشين مثل ما بدنا
ولا بيئة هي البيئة اللي بتناسبنا
ولا بلد زي ما بدنا
وخلينا نحكي بالغويط شوي ، حتى الحكومات والانظمة مش مثل ما بدنا
ولا التعليم مثل ما بدنا
ولا اللي حبيناهم حتى النا

فشو نعمل ؟؟؟ نندب حظنا ونحكي يا ريت اللي جرى ما كان ؟؟؟
في اشي اسمه الدافعية لتغيير الواقع، بدك تعززها عندك اكثر وتحاول كل جهدك تقهر الظروف