مرحبا يا شباب
يعطيكون العافية على هالمواضيع القيمة و الغنية بالمعلومات يلي ما بتفيد حدا لأ على العكس بتزيد كرهنا لبعض نحنا يلي كنا طول عمرنا اخوة وعشنا مع بعض طول حياتنا(المسيحية و المسلمين)
انا بتحدى اي شخص مسيحي ما يكون عندو اصدقاء وجيران مسلمين و الحكي نفسو بينطبق على اي مسلم
يعني شو عم تستفيدو من تكذيب الدين المسيحي او الاسلامي بهالطريقة الوسخة(آسف على هاللفظ)؟؟
يعني بدال ما تتناقشو بأمور مفيدة بتزيد ثقافة الطرفين الدينية عم تروحو و تبحبشو على شي غلطة(او انتو بتعتبروا غلطة) بالانجيل او القرآن و بتقولو: انتو دينكون غلط و دينا هو الصح .......
لأيمت بدو يضل تفكيرنا سطحي و سخيف يعني انا بعد ما قريت كذا موضوع وصلت لنتيجة انو ولا دين مظبوط و قررت انو اصير ملحد
عيب علينا يا شباب ووحاجتنا تحجر فكري
و انا بترجى كل شخص بدو يكتب موضوع جديد انو يختار موضوع مفيد و بعيد عن كل هالسخافات(قال القرآن مو صح و الانجيل مزور)
و بتمنى من المشرفين انو يراقبو هالموضوع بجدية
مع كل الحب و الاحترام للجميع