يا جماعة الخير بما إنكون فهمتونا غلط ورديتو علينا بهالطريقة فراح أشرحلكم شو اللي زعجنا.
1- أي نعم الاخت ريمي ردت بعد كذا تعليق وقالت انو "منقول"....وهادا الشي ما أنكرناه عليها وبنشكرها وبنتأسف إنو تعليقاتنا أزعجتها....بس كمان حقنا ننزعج نحنا...
ولا تنسوا إنو من حق كل بني آدم إنو يحكي ويقول وجهة نظره...ونحنا حكينا وجهة نظرنا
ريمي ما ارتكبت مجزرة ....بس هالمواضيع المكتوبة بتخصنا بشكل شخصي ومهمة بالنسبة إلنا جدا جدا...مشان هيك حكينا هالحكي رغم إنها ذكرت إنو المواضيع منقولة.
2- بالنسبة لأنو اجينا كلياتنا وحكينا هالحكي...فأكيد مو مشان نعمل مشاكل...ولكن متل ما قال lucifer مشان الإدارة تاخد خبر بهالموضوع...بالإضافة إلى جميع من يقرأ هذه المواضيع...
يا جماعة بمنتدانا نحنا بنكتب تحت كل موضوع منقول ...كلمة "منقول"....والموضوع الي ما بينكتب فيو انو منقول...بنحذفه فورا...ليش..!!! لأنو هاي أمانة ولأنو هاي حقوق لناس لازم نحفظلون ياها..
ونحنا إجينا حكينا هون مشان ما تقولوا إنو Lucifer عبيحكي لحالو ومن عندو...
اجينا تأكيدا على إنو كلياتنا اصحاب هالمواضيع اللي انتقلت كلياتنا اجينا وحكينا بنفس النقطة..
3- الاخت ريمي زعلت لأني قلت انو حز بنفسي كيف منتدى سوري بيعمل فينا هيك...
يا ريمي...بتتذكري مسريحة "ضيعة تشرين"؟؟
في مقطع وقت بيكونوا غوار ونايف بالحبس
بيقولو غوار لنايف..
"يا إبني يا نايف...لما بيضربك الغريب شكل...ولما بيضربك إبن بلدك شكل تاني"...
أكيد يا عيني ما ضربتينا ولا عبنبكي...ولكن العبرة إنو زعلنا وقت شفنا هالشي صار بمنتدى سوري...
نحنا كنا بنتوقع الدعم من المنتديات السورية والاتصال معنا ولحتى يكون في تنسيق وتعاون..وطبعا نحنا جاهزين دائما لهالشي....
بكل بساطةحضرتك شفتي أسمائنا مكتوبة تحت المواضيع...فلو انك ذكرتي هالأسماء...كان حلو كتير بحقنا وفيو رد اعتبار لإلنا..
4- الجماعة اللي هاجمونا واتدايقوا مننا...
نعم في منتدانا مليان مواضيع منقولة...بس بتكون مواضيع اخبارية عامة أو تقارير ثقافية أو خلافه..ولكن بالنسبة للمواضيع والكتابات الشخصية فمعظم المواضيع بينكتب تحتها اسم الشخص اللي كتب هالموضوع...
وأكيد نحنا ما اجينا لا نعمل مشاكل ولا ندايق حدا ونحنا حبينا نوضح وجهة نظرنا فقط..
5- نحنا هالكام واحد اللي حكينا هون مالنا نفس الشخص أكيد...وبتقدروا تروحو على موقع هلوسات وعلى موقع طريق سوريا وراح تلاقوا نفس الاسامي هون نفسها هنيك...كل شخص لحالوا حكى هون وبدون ما نتفق مع بعض ولا شي...
وشكرا لكل مين اتفهم...