[minime1967]

كاتب النص الأصلي : zen

مرحبا يا احلى شباب
مبارح شهدنا بالاخوية وداع احد اعمدتها بعد تخبط كبير في المشاعر الذي انتابته
مبارح على ما اظن كان يوم اسود بالاخوية بيجوز انا بعتبروا هيك ليش الكل بيعرف ليش
وبيعرف مين هو حسام ملحم (عاشق من فلسطين )
هالشخص نادر كتير وانا ما عم احكي عنو من باب المجاملة وانا بعرف منيح انو هلق مو وقت مجاملات وقت فعل
حسام ملحم حطني على اول الطريق الي بلشت امشي في واح ضل امشي للنهاية
ومتل ما قال هون انو صار لازم يودعكون انا بدي قول كمان انو انا صار لازم ودعكون
انا بدي روووح مو لانو حسام طلع من الاخوية وهو كتير بيعرف هالشي واناة قلتلوا قبل ما هو يطلع انو انا بدي اطلع من الاخوية
انا حبيت الاخوية وخفت من الاخوية وعشت معها وصارت متل الهوا بالنسبة الي يعني يوم الي ما فتحت الاخوية حسيت حالي مجنون
انا الاخوية عطتني الخيط حتى امشي وبلش بطريق يمكن يكون طويل
بس لازم هلق كون لحالي ماشي بدون الاخوية لانو انا خايف من اليوم الي ما عاد تكون الاخوية موجودة كيف بدي اتصرف
انا راح اطلع قبل ما اغرق قبلما اغرق بزيادة وما عاد في مجال للخروج
انا بحياتي ما تخيلت انو ممكن شي ياثر علي بهالطريقة او بالذت موقع انترنت يا شباب الاخوية مو موقع بس
الاخوية باب للوطن والوطن اذا بتحبوا بيحيكون
انا ما بدي اتفلسف واحكي كتير بس عنجد انا انبسطت معكون كتير كتير وانتو اخوات الي واعز والله
وبتمنى الخير للكل
حسون وجوى وياس وكل كل الشباب والصبايا عبير زننو فيليب سيزاررياض زوزو كلون كلون بدو استثناء حبيتون
حتى الي تشارعت انا وهني وتعارضنا ورضينا كلو هاد كان مفيد لااي وبالهنهاية لالنا نحنا الكل
بتمنى للكل السعادة والراحة واعذروني اذا شي مرة غلطت مع حدا
الواااااااااااااااااااااا اع

ولا تنسوا انو الاخوية مو موقع انترنت وبس الاخوية باب للوطن

الأخوية أصبحت فعلا متل نا توقعت من زمان : "أخوية ذات قفا رخوية" وأتضح أنه بنيان مهزوز متل كل هالوطن ,أساساتو خربانة ... من وين أصلا بدنا نجيب أساسات صحيحة ؟ استيراد ممنوع ؟ عيرة , ما بدفي ؟ منحة , بيلحقها قواعد عسكرية ؟

يعني بالخلاصة : كلنا اتربينا ترباية غلط .. بغض النظر عن النيات اللي على الأغلب كانت طيبة ...وكل الظروف العجائبية اللي مرينا فيها من لما ارضعنا حليب كلاب مع دموع أمهات جاهلات وأباء مقبورين على الجبهة كل خمس أشهر , لحد ما اتعلمنا حب وطن تخيلي افتراضي بالمددرسة , مرورا بجامعات فيها اختراع اسمو "اتحاد وطني لطلبة موزمبيق" مع حوادث السير اللي روحت رفقاتنا وأحبابنا ,و التشفيط والقهر الطائفي والعز والكرامة والماغوط ومحمود درويش ...

وبعد كل ما تقدم , من وين بدنا نجيب "أخوية" ؟؟؟؟؟

الحل : انتحار حيتاني جماعي أو هجرة جماعية مؤقتة لحين الموت ... لأنو من اللمكن لهيك وطن أنو يكون على الأكتر , قبر على مرتفع مطل على البحر وشجرة توت من جهة وعصافير حرة حزينة نشيطة تأتي وتقتات من ثمرات التوت الملونة بدمنا....