اعزائي شو رأيكن نطلع شوي من مواضيع الحب و الزواج و نحكي شوي عن الابراج
يعني صاير ما في مجلة او جريدة الا و فيها صفحة عن الابراج و بيكتبوا فيها كمان احوال صاحب البرج عاطفيا و عمليا و يوم السعد و رقم الحظ و هيك شغلات....
و الاكتر من هيك انو في ناس بيتابعوا الابراج يوم بيوم... لدرجة انو ما بيطلعوا من البيت الصبح على الشغل قبل ما يسمعوا برجهن بالراديو او يقرأوه بالجريدة ليعرفوا اذا كان اليوم يوم حظهن او لاء
و هدول الناس طبعا بيامنوا كتير بالابراج و بيعتقدوا فيها كتير و بيصدقوا كل شي بيقلهن ياه البرج و بيعملوا فيه
بس الصراحة انو انا بستغرب من هدول الناس... لانو انا ما بامن كتير بالابراج ... يمكن بحب اسمعها او اقرأها بس مو لانو انا مأمنة فيها ... بس يمكن نوع من الموضة و طبعا مو كل يوم.. و بالمناسبة برجي القوس
بقا ما بعرف انتو شو رأيكن؟؟؟؟ و شو برجكن؟؟؟
