[handsome]

كاتب النص الأصلي : gabriel

بس بدي اوصل لك فكرة ان العرب هنن بمثابة محتل لهاي الارض اللي انا وانت عايشين عليها

لأنه مانهم سكان البلاد الأصليين بل نحن سكان البلاد

اللغة ما هي البلاد

يعني ببساطة اهل كندا بيتكلمو اللغة الفرنسة بس ما بيعتبروا حال فرنسيين

وعلى هاد الاساس نحن منتكلم عربي بس ما بالضرورة نكون عرب

طب غابريل انتي على عيني وراسي ..
العرب ما هني السكان الاصلين للبلاد تبعيتنا .. هاي الارض كانت للفينيقين وبعدين الرومان وبعدين الفرس وبعدين الاسلام ويعدين الاتراك وبعدين الاوروبين وهلق بالاخير ( انو الوضع الحال ) صارت للسوري والبناني والفلسطيني والاسرائيلي وهدول الدول كلون ..
انو انتي ليش بدك توقف التاريخ عالفترة الي كانت فيا بلادنا كويسي ومايدك تشوف الاخطاء الي صارت ..
ليش الاوروبين ما بيخجلو من عصور الجهل تبعيتون .. هني بيعتبرو انو كانت فترة سيئة وتعلمو من هديك التجربة ..
بس نحنا لاء ما منتعلم من اخطائنا .. نحنا بس منقول انو كانت فترة كويسي .. ونحن لهلق لازم نضل واقفين عالاطلال ...
هلق ما بعرع اذا كان الواحد عربي معناتا شي كويس او ما كويس .. هوي بالحقيقة انا ما كتير بتفرق معي هدول الشغلات القومية . بس كمان ما فيني انكر الشغلة ..
يعني ما فيني اجي قول انو انا ماني عربي او ما في شي اسمو عرب .. وهدول العرب هني متطفلين جايين عبلادي ..
انا بعتبر اني عربي .. وبدال ما اخد من التاريخ الشي الي بدي اياه وكب الباقي ما بيكون احسن اذا اتطلعت عالماضي وشفت كيف كان .. وبعدين خطط للمستقبل بالشي الي انا عايشو . ما بمستقبل بيرجع 20 قرن لورا ...
نحنا ولاد اليوم .. ولازم نعيش عيشة اليوم ما عيشة مبارح ..
وبدال ما نحنا ندور عالشغلات السيئة تبعيت العرب .. نحاول كيف من كان نارجي للعالم انو نحنا كويسين كاشخاص .. ما مهم منين جايين ولا شو معتقداتنا ولا بشو من امن .
كل واحد منا عندو قومية .. وهاي الشغلة بتخصو .. بس نحنا بدال ما نحكي باللسان القومية . نبقية شغلة خاصة فينا وكل مين يحكي الشي الي مقتنع فيه والي بيشفو صح ...