[ta_06]

كاتب النص الأصلي : xena

هاهاهاهاها عجبتني فكرة اللاكسين
يا سيدي هديك السنة لما كنت بسوريا بالحادي عشر مدري شو خطر على بالنا انا و كم بنت بالصف انو نغيب يوم اربعاء (بما انو الدروس العلمية عنا بهاليوم كانت قليلة و معظمو حصص ادبية و كمان لأنو الاربعاء عيد الحماصنة يعني عيدنا )المهم عمل الصف كلو اتفاق و انا كنت من اكبر المشجعين لهالفكرة ( انا كنت مفكرة انو الاربعاء 8 آذار بس بعدها اكتشفت انو التاريخ كان 9 شباط) المهم وقعنا ورقة تعهد انو اللي بتداوم بتدفع 5 ليرات لكل بنت من بنات الصف (و نحنا كنا 40 بنت) المهم غبنا , بس المشكلة ما هون , يوم اللي غبنا اجا موجه عربي من التربية و اجت المديرة فتحتلو باب صفنا و طلع فاضي فمن رعبتها قالتلو :بس هادا الصف ! فالمديرة بعدها بكم شهر اعتزلت الفن و تقاعدت , بس وقتها اكلنا فصل جماعي داخلي لمدة 3 ايام , هوي صحي وقتها كان برد و ثلج بس كيفنا
و مرة خلعنا ايد الباب و زتيناها من الشباك و حبسنا حالنا جوا و عاد شوف التمثيل و المسرحيات و المديرة تخبط عالباب و نحنا نولول و نعمل حالنا عم نبكي و نقلها انحبسناااااااااا ... ساعدوووناااا ... عم نختنق ... بدنا اوكسجييييييين
هادا غير طيارات الورق و البخور اللي فوق راس الاساتذة (هادا طبعا بالحصص الادبية بس لانو بالعلمية ما كنا نسترجي)
يللا حاجتي طولت بالحكي

ما حدا قليل هالايام