[Nirvana]

أنا قررت احجز حالي شوي هون .. لاعرف فكر شوي ..

لانو بالصالون عجقة وما بتلاقي عشاشة الكمبيوتر غير: من دقيقة فلان، من دقيقة فلانة .. ما عدت لحقّت ..

وبالمكتبة الغبرة عم تعمي عيوني .. مع انو في ناس نشيطين هناك .. يعني انا استفدت منهم كتير..

بقسم الفنون الشاطر اللي عم بيرمي اشاعة أكبر والتاني عم يصدقها ..

بالحوار الروحي وحوار الاديان .. أصلا من الأساس ما فتت .. لاني عارفة شو رح شوف .. فبلاها سمة البدن .. قال حوار قال ..

بالسياسة والأخبار .. سمات بدن كل وحدة اكبر من التانية ..

بالمنبر من شي تلات أربع ساعات فلان شارك ... وعلى استنى موضوع جديد بتلاقي حالك صرت بالسقيفة ..

بالرياضة .. يعني بوقت الأحداث المهمة ما بتلحق عليهم وبعدين هات يا نوم ..

بالألعاب هاني مو مقصر .. بس ما بحب اللعب كتير .. يعني مو هوايتي .. مالي خلاق ..

على الطاير ... طارت .. من خفة الدم ..

وبالسقيفة .. بهضمها للسقيفة .. بس صايرة سلة مهملات الصالون ..

والإقامة .. يا سلام على الجبرية ما أحلاها .. هدوء .. ما حدا عم بفوتها غيري ..

لك سجلوها بإسمي.. عملوها .. خاص نيرفانا .. حلو حلو كتير ...

حابة احكي مع حالي ..
لانو انا بحترم حالي ..
ما بفرض على حالي فكر محدد ..
ولا دين محدد ..
ولا انتماء محدد ..
ما بقول لحالي .. اسكتي ما تقولي هيك .. ما تفكري هيك ... ما تعملي هيك ..
هون فيي جن جنان غير شكل ..
بقدر اسمع حالي شو بفكر ..
بتأمل .. بسكت .. بحكي .. بجن .. بعصب .. بنبسط .. بروق هالمخ .. بزعل .. بعمل اللي بدي ياه ..






وبعدين مع هالعالم !!! .. مين قال كلنا لازم نكون متل بعضنا .. نفكر نفس الشي .. نآمن نفس الشي .. نحكي نفس الشي .. نلبس نفس الشي .. ناكل نفس الشي .. نعيش نفس الشي ..