اقتباس:
|
كاتب النص الأصلي : وائل 76
نرفانا انا عاملك استدعاء لاسمع منك الكلام يلي متعود اسمعه منك مو تحطيلي رموز
بدي افهم هلاء انتي معنا ولا علينا ؟؟؟؟؟؟؟؟؟؟؟؟؟؟؟؟؟؟؟؟؟؟
تحياتي
|
شو صاير متل هاني... انت معنا ولا علينا ..
بس بجد انا حطيت هالرد ... لاني بصراحة تأثرت بالكلمات وما قدرت حط رد مفهوم أو منطقي..
أنا حاولت أفهم وجهة نظرك واحساسك ..
بس خلينا نحكي بالموت .. يا وائل الموت كنهاية أو كبداية عمرو ما كان حل..
بس من كتر الكبت اللي فينا منحس انو هوي الأمل ..
بالنسبة الي انا بخاف من الموت كتير .. وبعتبرو نهاية ..
بعتبر الحياة اللي منعيشها هي فرصتنا لنترك أثر ونعيش كل لحظة بلحظتها ونحقق أكتر ما منقدر من السعادة ..
الحب كلنا بدنا ياه .. صدقني شو ما كانت الصعوبات ما بتوقف إدام حب حقيقي .. انا بقلك عن تجربة ..
بس لازم تكون قوي .. بأحلامك ، بإرادتك ، بكل شي..
انت يا وائل عايش بنعمة .. ايه صدقني لأنو انت ابن فلسطين .. عارف شو يعني هاد الحكي .. يعني انك صاحب قضية .. صاحب معاناة .. صاحب مبدأ...
أنا بالنسبة الي التنظير سهل.. قاعدة حاطة رجل عرجل وبمنطق الأمور على كيفي.. بس انت قوي ببلدك وبصمودك، ظروفك لازم تكون قوة أوعى أوعى تحكي عنها انها ضعف .. لانك هيك بتخذل أولا تراب بلادك .. وتخذل أحلامك .. وتخذل انسانيتك .. وبالآخر بتطلع بس بفكرة الموت اللي هيي تحصيل حاصل ..
خلينا نعيش حياتنا أولا وبعدين منفكر بالموت .. اساسا هوي لحالو بيجي ..
انا يمكن شتت بالكلام .. بس حاولت عبر .. وبتمنى اني كون فهمتك ..
كل جنون بينكتب بالدم ..