اقتباس:
انا هي عجبتني كتير انو اميركا ما بيحقلها انو تتدخل
انا بعتبر هالكلام ضحك على اليحى لانو اميركا صارت بتدخل بالهوا الي بالعراق فبدك يا ها ما تتدخل بالاحزاب
ولو هالحزب بيضر مصلحتها كانت نسفيتوا
وهي ضد الشيوعية ببلدها مو برا بلدها
|
مرحبا زين
أميركا و حلفائها طبعا "متدخلين" بالعراق و محتلين العراق. احتلال عسكري. الأسباب و الدوافع و الفائدة من هل شي موضوع طويل و شائك. بس الواقع انهم مانون عم يتدخلوا بالسياسة و الانتخابات.. يعني الجماعة خاطروا انو يوصل على الحكم عملاء لإيران و ما كانوا رح يقدروا يعملو شي صدقني.. و ليكا الأحزاب الشيوعية طالعة و كلشي... و حتى بتذكر على السي إن إن بأوائل الحرب وقت صار كل العراق معهم.. ورجونا عراقيين على الشاشة عم يدبكوا و يغنوا... و كانوا كلون حمر و معون أعلام شيوعية... حتى كانوا عم يسعوا بإيديهم و رجليهم مشان السنة يشاركوا بالانتخابات... مع انهم بيعرفوا انو السنة موقفهم عدائي من الأميركان
الجهات الوحيدة يلي نازلة "النسف" بالعراق هني الإرهابيين جماعة الزرقاوي!
و بأميركا بعمرو ما كان في شيوعية... اميركا بهمها أمر الشيوعية طبعا بخارج أميركا... الواحد بيحب العالم تكون متله مو أعدائه اللدودين
اقتباس:
|
نحنا مع الخروج من لبنان بس ما بعرف قلبي حاسسنس انو في حدا تاني بدو يدخل على لبنان
|
هيك بدهم جماعة عون و مرتو لمعوض... بس حكي فاضي هادا يا زلمة... ما رح يصير هل شي... ثم يصطفلوا. نحن نعمل يلي علينا
اقتباس:
وين راحت مزارع شبعا ولا انت كمان بتعتقد انو سوريا
وانت مو شايف كيف الاسرائيلين كل يوم والتاني بيعملوا اخترق للاجواء تبع لبنان وحتى وصلو على سوريا وانا بعتقد اذا راح سلاح حزب الله راح تكون اسرائيل بعد كم يوم بنص بيروت
|
إسرائيل و اللبنانيين و الأمم المتحدة بيقولوا شبعا سورية. و انو في وثائق عند الامم المتحدة.. و نحنا و حزب الله عم نقول لبنانية.. ليش؟ الهدف واضح مشان بقاء حزب الله. بقى هلأ ممكن تكون لبنانية ممكن تكون سورية... بس أغلب الظن إنها لبنانية. و حتى هل شي ما يعني بقاء حزب الله معه سلاح... في جيش لبناني لازم يتشكل و يستلم مهامه... شو حزب الله من وين طلعلنا هاد؟ خلص حرر الجنوب يعطيه العافية...
اقتباس:
|
قال يعني السي بيسمعك بيفكر انو العرب وحماس هي الي بتبلش بالضرب يعني لهلاء حماس ماسكة حالها بالهدنة واسرائيل قتلت 3اطفال غير التانين الي انا ما بعرف قديش عددهون وكمان بدون يدخلوا على الاقصى
|
في كتير كتير حوادث كانت الاوضاع ماشية تمام ما منسمع غير عملية انتحارية مدري وين بتنسف كل جهود السلام... المقاومة الفلسطينية مشروعة من كل بد... في أراضي محتلة... بس يا أخي مو هيك الشغل... ما في تنسيق بين الفلسطينيين و لا شي... لازم نسعا حتى نكسب الشعب الأميركي لجانبنا.
اقتباس:
|
وين الشرعية بالمالطب لم بتنطلب لمصالح شخصية
|
مطالب مانا شخصية... هاي مطالب دول. مطالب الدولة العراقية, مطالب الجمهورية اللبنانية, مطالب دولة إسرائيل... و مطالب الشعب السوري أولا و أخيرا
تحياتي
ذكرى مرور عام على وفاة الأديب العالمي سيبيري ماسكوليه 1932 - 2008