صحيح راح ناكل قتلة....بس يا الله نبق هالكلمتين
تصنيف عبدة الشيطان خاطئ تماما عندنا, أنا بصراحة اهتميت بالموضوع من فترة و بحثت كتير....النظرة المعروفة لعبدة الشيطان هيي أنو هنن ناس هيك غريبين و بيعملو حركات قذرة و هيك, مهمشين اجماعيا و سكر و أدمان و ما بعرف شو.....
لأ خاي ...... مو هيك, أو بالأصح, مو الكل هيك
في ناس بتعمل هيك حركات للفت الانتباه و كذا, بس في ناس غيرهون هنن اللي اقصدهم
ناس عاديين.............مو بس هيك , بتلاقي فيهم ناس شديدي الثقافة
اعتقادهم هو التالي :
الملحد ببساطة ينكر وجود الله, بس عبدة الشيطان ( على فكرة, ما بيحبو هالاسم....يفضلو لوتسيفر...) يعتقدون بوجود قوة خارقة معادية للاله المعروف ( تبع المسيح يعني) يعني العكس تماما....و القضية مو أنو خير ضد شر, لأنو هاد أمر نسبي....أنما شغلات مسلم بها دينيا أنو هيي الصح هنن يعاكسونها تماما...
قبل ما حدا يسب علي و يتذكر أبي و أمي وشجرة عائلتي كلها....أنا ماعم بدافع عنهم, عم بنقل بس شو شفت و قريت
