[witty fretful]

السلام عليكم ورحمة الله وبركاته ...

سلام حار لكل الأصدقاء اللي ما بعرف حدن منن لهلق ...
بس الأيام جايي ...
بعرفكن عن نفسي ...
أنا witty fretful ...
مشترك جديد بمنتدى أخوية ...
عرفت بالمنتدى عن طريق شمس الغنية نجوى كرم ...
وما تسألوني كيف وليش هلق ...
المهم اني وصلت ...
أنا من صافيتا منطقة من محافظة طرطوس ...
شب وبأول عمري ...
بحب الفن بشكل عام ...
والي تجارب مشرفة بعدة اختصاصات منو ...
بحب الصحبة والصداقات كتير وخصوصة منا العلاقات المرحة والعفوية ...
يمكن رح لاقي منا هون ...
أما اسم witty fretful فهيدا لقبت فيه بأحدى المنتديات ...
أو بالأحرى سموني المشاغب الظريف ... (لكثرة مقالبي بأعضاء هـ المنتدى الله يعينن)...
بس أنا حولتا للمشاكس الظريف قلت يمكن هيك أحلى ...
شو بعد بتحبو تعرفو عني ؟ ...
ما حاج ؟ ...
أوكي صار دوركن ...
بعرف بدكن تقولولي انشالله انبسط معكن ...
أنا بقول انشالله مع اني متوقع لأن لهق كتير حبيت الأجواء ...
بس أنا اللي بدي قول انشالله اقدر ابسطكن بانضمامي ...
وأهلا فيي بينكن ...
وسلام ...
Witty fretful