[Danito]

كاتب النص الأصلي : GOVERMENT

تعريف الانتصار:لما الجيش الاول بنتصر على الجيش التاني انتصار يقضي عليه تماما يخلي يستسلم وتوقف الحرب بسبب انتصار الطرف الاول ((مو بوقف اطلاق نار متل ماصار))

تعريف الهزيمة:لما الجيش ينهزم هزيمة قوية ويقضى عليه فيها ويرفع راية الاستسلام ومايقدر يكمل المعركة لانو اتقضى عليه ((مو يوقف المعركة بالرغم عنو ومع انو هو كان بدو يكملا))

إذا بتسمحولي ادخل بالنقاش بس هدول التعريفين كتير تقليديين و ما بيعبروا عن الواقع شيل خسارة المانيا بالحرب العالمية الثانية (مع العلم انو الجيش ما نمحق..) بس آخر مرة سمعت عن حرب انتهت بهالطريقة كانت بس بكتب التاريخ
عادة كل الحروب بتنتهي باتفاقيات وقف إطلاق نار و حتى الخسارات (اميركا بفيتنام) ما انتهت بانمحاق الجيش الاميركي بس بانسحابه و خسائر فيتنام كانت كبيرة

هلق برأيي الحرب هي عن الربح أو الخسارة السياسية لأنو بالحرب الأطراف كلها خاسرة من ناحية الأرواح العتاد المال .. و بحرب لبنان الأخيرة بعتقد حزب الله حقق أكثر مما افضل المتوقعين فكروا أنو يصير، من جهة تانية و شغلة مهمة جدا اسرائيل ما حققت و لا شي فعليا من اهدافها المعلنة (استعادة الاسرى ، القضاء على حزب الله ، حتى نزع سلاح حزب الله)

أهم شيء هوي التشويه الكبير اللي صار على مستوى العالم لما بتعتبر خسائر لبنان المدنية الفادحة ويلي هي جرائم حرب 100% ، انتصارات : هل انتصر الإسرائيليين في جنين؟ هل انتصر الكوسوفيين عل الألبان لما دبحوهم مثل الغنم؟ الجريمة ليست انتصار ، جرائم القتل هي عار على مرتكبها
من جهة تانية خسائر اسرائيل كانت استراتيجية اهم من كم مستعمرة (اصلا على اراضي محتلة) اسرائيل خسرت الصورة الذهنية لجيشها اللي صرلها عم تبنيا من أواسط التمانينات، اسرائيل خسرت الثقة بصناعتها العسكرية و أنظمتها الدفاعية خسائر مادية (العقود اللي تعلقت و توفقت) و خسائر معنوية كورقة ضغط في المفاوضات مع الدول المجاورةو هون بدي شير أنو الاسرائيليين كانو مزعوجين بالقرار الأخير تماما مثل المقاومة يعني هو حقق أشياء بس ما حقق كل اللي بدها ياه