[عاشق من فلسطين]

هلا يعني صار انا بعثي أه يا نيالي ..


أي يا أخي نيالكون ..
أنا حابب قلك أنو أنا معارض وأنا خاين أه يا نيالي ..
ليك حبيبي بعثي .. الوطن بعمرو ما بيتمثل بحزب ولا بشخص .. يعني أنتي من العالم على ما أظن أنو حاليا" اذا المعارضة استلمت .. رح تصير من المعارضة .. يعني تاجر سياسة .. ليك .. أنت بعثي أه يا نيالك .. يعني أنت هون نسيت سوريا .. وأنك سوري أه يا نيالك .. يعني البعث ما هوي اللي عمل سوريا .. العالم اللي ماتت بحرب الجلاء .. ما كانوا بعثيين .. بس العالم اللي عملت انقلاب التصحيح وولادة الحزب البعثي الذي بدأ رائعا" وانتهى مجرما" بحق كل الشعب .. فأنا أريد منك الآن أن تحدد موقفك .. فاذا كنت من البعث ومع سياسته فأنت مشترك بالجريمة .. واذا لم تكن مع سياسته ولكنك بعثي الانتماء لفكر الحزب الصحيح .. فانقده النقد البناء الذي تدعون أنكم تمارسونه في اجتماعات غسل الأدمغة التي تقومون بها ..

ليك حبيبي .. أنا مو بس سوري أنا عربي ومشروعي العروبة .. والوطن العربي اللي أنت حاططو صورة تحت اسمك .. وأنا بعرف أنو هالموضوع صار بالي حاليا" .. والسبب في ذلك هوي حزب البعث .. والشيء اللي بيشق أنو حزب البعث هوي اللي رسم هي الصورة اللي تحت اسمك .. وهوي اللي ربانا عليها .. وهوي اللي حملنا حلم العروبة .. وللأسف .. هوي اللي أجهض هذا الحلم في عقول الشعب السوري .. يعني في أكبر من هيك ازدواجية وتلاعب بمشاعر الشعب ..
ليك أنا بعثي (مؤمن بأفكار البعث التي وردت في أول طرح له ( ولكني لست بعثيا" أسديا" .. ولست بعثيا" لعبد الله الأحمر وللقيادة القطرية) ليك أنا ماني عم أطلب منك أنك تتخلى عن أفكار الحزب ومبادؤ لأني مؤمن فيها جدا" .. بالعكس انا مبسوط أنو لهلا في عالم مؤمنة بالعروبة وبالوطن العربي .. بس فينا أنا وياك نحط أيدنا ببعض لنحقق هالأهداف .. ليك الانتماء للحزب .. لا يعني ان تحمل أسمه .. ولكن أن تحمل افكاره .. وعندما تصبح قيادة الحزب غير جديرة بهكذا أفكار ولا تسعى لتحقيقها .. فهذا لا يعني أن تتخلى عن الأفكار .. ولكن أن تسعى لتحقيقها بمعزل عمن يجهضها .. الحزب هو فكر يبنى لاشباع رغبة فكرية وانسانية .. وحياتية .. ولكن ليس بالضرورة أن يكون تحقيقها عن طريق من أسس هذا الفكر .. لأنه قد يخونه ..
بتمنى تكون وصلت الفكرة ..