اقتباس:
|
كاتب النص الأصلي : a99101464
استاذ hanny dagher
حبيب بالله عليك حطيتو قوانين على العين والراس لكن فيه مشكلة هنا ..
- اذا واحد اخد انذار كيف بدو يرفعوا عنو ؟؟
فلو الانذار مجرد تنبيه فقط ومش مشكلة ممكن يروح بعد فتره قولو لنا بعد كام يوم بدوا ينحذف
لكن تراكم الانذارات وبالنهاية ينحذف اشتراك عضو بالكامل علشان حط موضوع بغير محل !!!!!!!!!!!!!!!
مأساه
|
انا اسف على التاخير انا قريت الرد بس كنت بالشغل وما كان عندي كيبورد عربي وبعدين نسيت الموضوع وهلأ رجعت تزكرت وقت شفتو بالصفحة الرئيسية
بالنسبة لنظام التنبيه من عادتنا نحنا انو ننبه العضو اللي ما عندو اي تنبيهات مدخلة سابقة واذا كان بس حاطط موضوع غلط بنسبة معينة حسب القسم والمشرف اللي عم ينبه ولمدة معينة حسب القسم والمشرف اللي عم ينبه والتنبيه بيزول بشكل تلقائي بعد هالفترة اللي حطا المشرف
بالنسبة للعضو اللي عندو تنبيهات مدخلة منشوف شو هالتنبيهات اللي عندو اذا كان نفس الغلط متكرر واكل كزا تنبيه علي وما مشي الحال ضل يغلط يعني بيتنبه بشكل كبير ولمدة ثابتة وهادا التنبيه ما بيقدر غير المشرف يشوفو
بالنسبة لمجودي بما انو الموضوع عنو مجودي لما رجعت راجعت ملفو الشخصي وشفت عداد التنبيه عندو منبه اكتر من مرة ولاسباب مختلفة ومن اكتر من مشرف
هلأ بالنسبة للموضوع اللي تنبه علي هوي نزل صورة بالصالون وهادا مو المحل الصح وخصوصي انو مجودي مانو عضو حديث او جديد لنقول انو ما بيعرف فكان لازم ينتقل الموضوع لمحلو ويتنبه مجودي واذا بتراجعو شرح الاقسام والقوانين اللي منزلو انا بالصالون على الرابط :
http://akhawia.net/showthread.php?t=41302
هون بتلاحظ انو في قانون بيقول انو اللي بينزل موضوع بغير محلو رح يتنبه
منرجع لمجودي انا قلت انو حظرو صار بخطا تقني يعني شغلة انترنت و مستكشف وهيك قصص وما في داعي خوض بالتفاصيل لانو ما في داعي الها بدها تكون زيادة حكي على الفاضي
اقتباس:
|
كاتب النص الأصلي : a99101464
يا حبايبي
الموضوع مش موضوع صورة نزلت بالصالون
الموضوع انو اي مشاركة ما بتعجب تايغر افندي بنقلها للمكان اللي بدو اياه
من حقو ينقل الصور للصور
بس في مواضيع ما الها محل ما بتعجب الافندي فبنقلها للسقيفة او اي مكان تاني
ومرات ما بعجبو اللي كاتب الموضوع لاسباب غنية عن التعريف
انا بعتقد انو ما لازم يضل مشرف بالصالون لانو هيك راح يصير الصالون بس لجماعتو وحبايبو
|
بالنسبة لموضوع الصالون الصالون انا برايي صار احسن من وقت ما استلم تايغر مساعد مشرف (هوي كان منيح لما كان هير اي ام مستلمو بس هير اي ام اضطر يغيب شوي )
صاير في تنظيم الى حد ما مقبول واللي عم يشتغلو تايغر بيشتغلو اي واحد من المشرفين الحاليين
يعني تايغر عم يشتغل شغلو تمام ولا غبار على شغلو ابدا
هلأ وقت عم تقول انو ما لازم يضل مشرف بالصالون لانو هيك رح يصير الصالون بس لجماعتو وحبايبو
انا برايي تقول ما لازم يضل مشرف باخوية لانو كل واحد بدو يخلي قسمو لجماعتو حبايبو وهالحكي مو مزبوط ابدا لو اي مشرف بدو يساوي هيك
اي كنت شفتني انا وهاند سوم خلينا نقول و محمد ابراهيم و فادي 007 بالمسابقات وما منطلع لغير منتديات
وكنت شفت تايغر وريمي وغيرن وغيرن بالصالون
وشفت وايت روز و مارو بعلى الطاير
(ذكرت اسماء لا على التعيين بس لضرب امثلة مع الاحترام للجميع )
بينما بالوضع الحالي طلع على المنتدى بتلاقي الكل عم يتفاعلو بكل الاقسام
يعني لاعطيك مثال عندي بقسم المسابقات في الاخ جورج ميدع عم يبدع عندي مع انو ما كان يفوت على المسابقات يمكن هاند سوم نفس الامر
وطلاع لبرا على المنتدى بتلاقين عم يبدعو كمان بباقي الاقسام بس ما حدا بيحكين ليش لانو ما بيغلطو بحق حدا ما بيخالفو القوانين
وهادا الشي الوحيد اللي عم نطلبو من كل الاعضاء بتمنى تكون وصلت الفكرة
