[TheLight]

انو يا شباب
بالفعل وين ما رحنا ومين ما جينا بنضل عرب وجحاش واكيد بنضل متعصبين بتفوق وتميز
هلق ليش عم احكي هيك.....
لانو مبارح بالليل صارت معي القصة التالية
كنت انا ورفقاتي سهرانين ببيت رفيقتنا
وقبل ما تخلص السهرة حملنا حالنا وطلعنا انا وبنتين اخوات منشان روح وصلهم
هلق بس طلعنا من البوابة انا رحت ع جنب شي خمس امتار لجيب االبيسكليت تبعي
بهالاثناء كان جايين شبين انو سبحان الخالق..بينقفروا انهم عرب ع بعد كيلومتر
بس مروا قطعت نزلت واحدة من البنات عن الرصيف لانهم كانوا جايين باتجاهها
بيقوم واحد من الشباب بيسبسب
هلق انا هون تحوينت ودقت فيني الحمية العربية الخرائية
بس ما رديت بالفرنسي
رديت بالعربي
قام الشبين التفتوا علي وقربوا وهن معصبين
طبعا اول ما قرب الشب يللي سب بلش يعملي العنترايات العربية
و دغري اتطلع برقبتي وشاف ايقونة العدرا
وفورا نتر بوشي
وقلي
انت حاطط علامة المسيح بس انا مسلم (ومد ايدو عرقبتو ومسك شغلة معلقة بسنسال فضة) وانا ما نعرفش واحد مسيحي عربي وانا مالي نقاش معك,,,وهون كانوا عيونوا عم يقدحوا شرر
طبعا هون صار هو كتير عدواني وكانوا الشباب بدون ياخدوني ع جنب منشان يقتلوني
هلق المهم انو انا بما اني ديبلوماسي وبما انو انا كمان خريطت شوي خصوصا انو كل واحد منهم بيطلع قدي مرة ونص وفي احتمال انو يكون معهن سكين او موس او شي,,,قمت حولت الموضوع بديبلوماسية وفلو الشباب طبعا بدون اعتذار ومع نظرات كره بحياتي ما شفتها حتى من واحد اجنبي
يعني بحياتي ما حسيت بالعنصرية من واحد فرنسي لاني عربي
بس مبارح حسيت العنصرية من واحد عربي بس لانو مسلم وانا مسيحي
انا ما كنت متخيل انو لسى في عالم متخلفة لهالدرجة
يعني كلنا احيانا عنا افضلية لديننا ع بقية الاديان
بس انو توصل لدرجة انو نقولها بوجه التاني بهالطريقة
هي انا فلجتني

انا حاطط هالموضوع لسببين
اولا منشان تشوفوا قديش نحن العرب متعصبين وهاد رد خصوصا ع العالم يللي بيقولوا انو الاجانب عنصريين ومتخلفين وانا كل شي اتعرضت لمضايقات هون من ناس بالشوارع وخاصة بالليل..بس للاسف معظم الاوقات بتكون يا من واحد من اصل عربي او من واحد افريقي
تانيا هي دعوة منشان نوقف سلوكنا الطائفي يللي معشش حوالينا وعم نشوفو وين ما كان حتى بأخوية

سلام

ماعاد عندي شي قولو.....خليني ساكت احسنلي

تعديل
سوري كنت بدي احذف الموضوعبعد ما نزلتوا وحطوا بالسقيفة (لانو بعد ما نزلتوا انتبهت انو احسن يكون هونيك) بس طلع ما بيمشي الحال
بعتذر تايغر والشباب
انقلولنا ياه ع السقيفة