[COSTA]

كاتب النص الأصلي : Danito

حبيبي كوستا
حماسك للمنتدى دليل اهمية المنتدى و هي الأهمية بتجي من حماس الشباب اللي متلك

بس أنا بدي قلك شغلة ما في داعي تاخد الأمور بشكل شخصي و كريمبو بالنهاية واحد من المشرفين
أنا بعرف انو سياسة المنتدى بالإشتراك و الديمقراطية بحرية الرأي أحيانا بتبين غير مفهومة
بس أنا بالنسبة ألي شخصيا هي من أهم ميزات المنتدى و اللي بتخليني استمر فيه و هو أنو في سياسة واضحة و ما بتتغير عند أول أزمة يعني ما في داعي عند اول هجوم او اخطاء من أشخاص مثل اللي شفناهم باليومين الماضيين نتقوقع و نبني اسوار عالية و نتحول إلى نظام قمعي مصغر أو كانتون مغلق بالعكس على قولة ما بعرف مين (يمكن كزنتزاكس) كل ما كانت البيت أقوى كل ما كانت العاصفة أجمل

حبيبي دانيتو
انا ما في شي شخصي بيني وبين كريمبو ... بالعكس انا كتير بحترمو
بس يلي صار انو الناس ما فهمت يلي بقصدو انا
وانا ما عم حاسبو بس عم قول ليش صار هيك
يعني بدي اسأل الكل هون بالاخوية والمشرفين حتى
بيقبلو هاد الحكي يلي صار ؟؟؟
ولو كان واحد من المشرفين عضو عادي متلنا شو رح يكون موقفو اذا توجه حدا الو بالاهانة