حق العودة
بما أنو كل شي صغير... حتى الدنيا .. وبما أنو شفنا عفيف بهولندا وسويسرا ... أعلن أنا أصغر عربي بالعالم مايلي:
واحد : أنو سويسرا أحلى مكان في العالم. بس يعني داق خلقي من الحلاوة , "مو الحمصية " ولا النفيشة , وين مابتروح شجر وخضار ونظافة وبحيرات وطيور وغزلان ... شي بملل يا ..
اتنين : أنو الله لايعطينا العافية فوق تعبنا عللي عملناه ببلدنا.
تلاتة : أنني وبكامل قواي العقلية المتواضعة والمحدودة أعلن تنازلي عن "حق العودة" الخاص بحضرتي الى أي مكان بالعالم يحلو للبعض تسميته "وطني" . ويمكن لمن يجد في نفسه الكفاءة "يعني مو شرط بكالوريا" أن يأخذ هذا الحق ويعطيه لمن يراه مناسبا ... يعني ممكن يبيعو اذا بدو.
رابعا : كنت قد سلخت قصيدة شعرية باللغتين العربية والانكليزية وأنا في "طريق النحل" من أمستردام الى موزمبيق , بس والله نسيتها كلها , وما كتبتها بوقتها لأنو ماكنت شايف قدامي , من الحمار الموزمبيقي اللي كان نازل قدح وسكي وغلاظة ورايي , ومن كتر ما "نشفت الدمعة" بعينيها.
بها النسوة السخيفة , بشعر ببعض الخيانة للأخ المحترم "عاشق من فلسطين" بس داق خلقي من الشعور بالخيانة والذنب .
|