أخوية - عرض مشاركة واحدة

Nirvana · 20/08/2006

بما اني طفشت وقرفت ..

بما إني حاسة أنو الكلام لا يفيد ..

بما انو الواحد هربان من العنصرية والظلم والتقييد واللاانسانية ..
وبما انو الواحد كان عم يحاول يعبر عن رأيو ضمن نطاق أخوي وحر إلى حد ما ..
وبما انو هالاشياء بطلت متوفرة بالأخوية حتى ..

وبما انو المنبر الحر .. وهو المكان المفضل عندي بالاخوية .. أصبح ساحة قتال بين الأعضاء .. ومكان لقذف الشتائم .. ومكان للعداوات .. سوري سعودي .. مسلم مسيحي.. سني شيعي ..
( فيكم تروحو تتفرجو على المسخرة) ..

قررت اني أخصص هالمشاركة هاي مكان للاعتكاف .. بشكل سلمي طبعاً ..

ممكن تقولو نوع من الاعتراض .. اعتصام .. ثورة على طريقة غاندي ..

المهم ..

بتعرفو المشكلة وين أنو اللي عم بيصير هالأيام هون بالأخوية .. نزع القيم الحلوة اللي كانت بتجذب الناس لتشترك هون ..وأهمها حرية الرأي والاحترام .. اللي كان قبل فترة بسيطة موجود بشكل لا بأس به .

مع تحياتي للأعضاء اللي بمثلو نماذج رائعة في الحرية واحترام الرأي في الأخوية واحد واحد ..

وكل واحد بيعرف نفسو ..