يا جماعة يا جماعة أي طولوا بالكم...
أي الخلاف بيناتنا تحت نخلة ولا مو تحت نخلة؟ (مع الاحترام الشديد للمقدسات و الأماكن المقدسة)
أي يعني مو بس هي النقطة كل الحوار و كثير من الحوارات... يا أخي أسا كل واحد متصلب برأيه شكل ..
خلونا نتفق يعني ما حدا مطلوب منو يغير اعتقاده .. و هو حر فيه..
it is wha:
اعتقاده يعني رؤيته لأمور الدين و اللاهوت و ما شاكله .. كيف بيشوفها و كيف يبفهما.. بس أما رأيه بالآخرين و معتقاداتهم أي خلينا نكون شوي فتحين
... (أي يعني إذا الواحد عندو شوية إيمان طيرتولو ياه
..)
إنو الأخ نكتاريوس معذب حالك (الله يعطيك ألف عافية) و منزل مقالة عن تصديق القرآن الكريم لصحة الكتاب المقدس أي يا أخي حلو كتير أي بس هي المفروض هدفها تأكد نقاط التلاقي مو منشان تجاكر الأخوة بأنو شيخ صار مسيحي .. و بعدين أي
يا أخي بأي عين و أفكار مسبقة حضرتك عم تقرا؟ 
و أنت يا أخ yvision و يا أخت حائرة على الحارك صار الموضوع باب للمهزأة بمعتقدات الآخر و التفاخر ..
طيب ليش؟
يا أخي أنا كنت شوف بحياتي مظاهر تعصب و نعراتية بالبلد إي بس .. اللي عم شوفوا بالمشاركات ما نو قليل..
يا أخي أنو سؤال محيرني (مع أنو بعرف جوابه) أنو ليش ما فيكون تقبلوا بعض ؟
لمصلحة مين كل هل المشاعر المختزنة ضد الآخر؟ و اللي جاهزة للتفجير بأي لحظة حاسمة من تاريخ الأمة؟
و بالذات هي شغلة "نحن" "أنتوا" "عنا" "عندكم" و ما يتبعها من اتهامات و تهكم يندى لها الجبين..
إذا كل الديانات السماوية تؤمن بإله واحد (و من شان الله لا تفتحوا سيرة المسيح و ابن الله و مو ابن الله)
لكن ليش التخبيص بحق بعضكم؟
مثلاً يعني، بس مثلاً، أنو الأخوان و الأخوات ليش ما خطر ببالهن بعد قراءة المقالة، والله شي حلو هي الديانة المسيحية قبل الإسلام و في اختلاف بس المنبع واحد و يمكن إعادة النظر بما لقنّا عن التحريف و التهم؟
... جواب: أي هي بأحلام العصافير بتصير .. و كيف فينا نتخلا عن المسلمات عن الآخر اللي مسحوا فيها دماغنا و اللي من المحرمات التفكير فيها أو منافشتها .. أي لا والله ما بيصير في مين يفكر عني و يفتي و يبري و يكذّب و يكفّر.. و أنا ورا ورا على العمياني ..
و أنو الأخوان و الأخوات "على الخط الآخر من جبهة الصمود و التصدي" لما قريت هالدراسة ليش ما فكرت أنو والله هالحكي حلو معناتا الجماعة (من حيث المبدأ) يبعرفوا قيمة المسيح و الكتاب المقدس و رسالتهم سماوية كمان بس مختلفة؟.. جواب: لا و كيف بدو يصير الحكي ما المفالة الأصليه جاية بسياق الهجوم على الآخر، شو سماوية ما سماوية و ما بدي فكر يعني ما بدي فكر
بالاعتذار منكم من اللهجة العصبية إي بس ..
ياريت تجاوبوا و تعلقوا على الأسئلة اللي بالأحمر يعني كل واحد عن نفسه و ليس عن الآخر, هذا إذا حبيتوا طبعاً...