اقتباس:
ليك أبو شريك ...كلامك عن ثقافة التسامح و عزل الدين عن السياسة ذكرني بشكل مباشر بكلام زياد الرحباني
عنا مواسم طائفية ...بتغيب بترجع قوية
|
حبيب قلبي أنتي خلي موسم اللاطائفية يطوّلوا حبتين
اقتباس:
|
عزل الدين عن السياسة هو تغيير بجوهر الدين...انقلاب داخل الدين ..هو بلغة المتدينين ( تحريف ) و كلما جاولت تحرف ..كل ما زاد تشدد المتشددين
|
يعني أنا كان لازم قولها بصريح العبارة أنو بالواقع الأديان استخدمت على طول الزمان و لم تنجوا إلى في حالات قليلة نادرة من تجنيدها في "الحرب المقدسة" على "الآخر"
اقتباس:
|
يعني من يومين بس كان الخبر الأول بوسائل الاعلام اختطاف عشرات الشيعة على يد مسلحين سنة ..و التهديد بقتلن اذا ما غادر الشيعة سكان البلدة ( المختلطة ) بيوتن .
|
الأمر بالعراق أعمق و أعقد من قصة أديان و أعراق و صراع حضارات... و الحرب الأهلية بشوفها و للأسف وشيكة الحدوث على كل هاذا مو مكان لها النقاش.. مع أني بأيد مثالك على سوء استعمال الدين .. إلا أنو القضية مشربكة
اقتباس:
تعى نشور هلق ثقافة التسامح. 
...اي والله بينشرو عرضك 
|
أي ما أنا عارفها بالأساس بروباغندا بالنسبة للكثيرين بس بعرف أنو كمان في ناس لما بتقولها بتعنيها.. يعني بكلمات أخرى لما بتقول أنتي عدينك و أنا عديني بيقصدوها.. اعتبرها الشمعة بظلمة الفضاء الحالكة (طبعاً مو قصدي أنوا أنا شعلتا)
اقتباس:
|
يعني خلينا نحكي ع الوجع مباشرةً ...نحنا مانا بحاجة لتسامح ....لازم ننهي الموضوع من أساسو ...الغاء الدين من لثقافة البشرية هو الحل ..و الباقي بكون نوع من محاولة اصلاح ما لا يمكن اصلاحه .
|
في نقطتين:
الأولى: يا أخي ما أنت عم تحلق بالعلالي أي ألغاء أديان تحكي عنه حضرتك؟ و كيف؟ حضرتك ذكرتني بالحوارات اللي ييبشر كل واحد فيها لدينو و من الواضح أنو كل منهم متمسك به أكثر من الآخر... يعني (مع احترامي الشديد و ليس القصد التهكم) أنت الوجه الآخر للمؤمن اللي بدو يقنع ملحد بوجود الله و أديان ... بس الأسوء من هيك أنو شامم ريحة قمع و فرض رأي بطرحك و هادا خطروا بيفوق خطر الأديان...
الثانية: من أول مرة بدي كنت زيد على التعليق أنو لما الموضوع بيخرج من إطار الدين والطائفة و الناس بتتجاوزه جزئياً أو كلياً فلا تخاف حبيبي عندك قضية الأعراق جاهزة لتحل محلها .. و هلم جرا، مثال أوروبا "المتحضرة" مافي مشكلة شو ما كان دينك.. بس مع أنو القانون صارم بهالمواضيع فالتمييز العنصري ضارب أطنابو أكثر بكثير مما بتسمع عنه أو بتتوقعه.. (عم أحكي هالحكي بناء على تجربتي غير القصيرة، مو قيل عن قال)
حبيبي، شخصياً، و بعد تفكير و تمحيص ، هادا العالم بيحكموا الشر.. الشر هو صاحب الكلمة الفصل.. شأنا أم أبينا.. أما الخير فمكانه في الزوايا المظلمة و شتات الزمان.. (مع إيداء تحفظي الشديد على وجود شر مطلق و خير مطلق لأنو كلشي نسبي)
بس المقصود الشر اللي بيحكم العالم موجود بكل الأشكال هو أبيض و هو أسود و هو أصفر و أزرق كمان .. ملتحي و حليق .. "سكين هيد" و سلام أخضر... رأسمالي و شيوعي .. حاكم و معارض .. رجل دين و رجل كفر ... و مرأة كمان (لا تسألني بالزيت و لا بالسمنة) يعني متل ما تقول في حلف ... لذلك لا إن لغيت الدين و لا خليتوا النتيجة هي هي .. في دايماً مين بيقدر يلعب على الشعوب و يحولها من ناس مسالمة إلى ناس متعطشة للدم بدواعي مقدسة (مقدسة: غير مرتبطة بالدين هنا بل بجملة قيم عليا ممكن تأخذ شكل أي دعوى أو قضية أو اعتقاد)
اقتباس:
|
هون عندي سؤال ....عبارة ( تحيا سوريا ) هي رأي ..و لا تحليل ..و لا أمنية ؟؟؟
|
والله خليتني أضحك يا أخي اعتبرها صرخة في الفضاء الرحب (اللي داق علينا و على أفكارنا و أمانينا) يعني ما تحاول تحلل شخصيتي من هال الكلمتين...
من جهتي بوافقك أنو الستة أحسن الشي
