يمكن تستغربو موقفي من وقف اطلاق النار .. بس صابتني
حالة إحباط ..
ما تفهموني غلط أنا بكره القتل والعنف والتشرد وأكيد ما برضاهم للشعب اللبناني أو أي شعب تاني .. بس للضرورة والحرية والمقاومة احكام.
بس حتى الناس اللي كانو عم يتعذبو ويتقتلو بالحرب كانو واعيين ودعمو المقاومة من كل قلبهم ..
إسرائيل كانت ضعيفة لأول مرة .. بشهادة العالم وأمام عيونا.. يمكن مشان هيك وافقت على وقف اطلاق النار ..
بالنسبة إلي أنا شايفة انو هاي آخر وقفة كرامة للعرب .. وانتهاءها بيعني عدم توسعها وبيعني بداية مفاوضات شو ماكنت وبأحسن الأحوال ممكن
تبيع سلام بثمن الكرامة ..
أنا ما بنكر أبداً المقاومة الفلسطينية الشريفة .. بس المعطيات غير لعدة أسباب:
1. لبنان بشكل مزيج من الطوائف والأديان أوسع لما تمثله فلسطين.
2. استخدام المقاومة اللبنانية للسلاح الصاروخي والجوي والبري والذي لا يمتلكه المقاومون الفلسطينيون والذي أثر على إسرائيل بشكل كبير وكلفها خسائر واضطر السكان للاختباء بالملاجىء.
3. لبنان ما عمل معاهدات سلام مع اسرائيل بعكس أبو عمّار !!!
4. أي ان موقف الحكومة اللبنانية والمقاومة موحد، لكن المواقف تتباين بالنسبة لفلسطين حسب الجهة المعنية، بالإضافة إلى الصراع الداخلي على السلطة بين حماس وفتح.
يعني الكفة كانت ممكن ترجح لأول مرة لصالحنا وخصوصا اذا صار نزاع موسع ..
يمكن تقولو هاي عم بتخبص.. بس هيك انا حاسة وشايفة ..
كل جنون بينكتب بالدم ..