اقتباس:
|
كاتب النص الأصلي : عمار المالكي
3- اذا افترضنا جدلا كما قلت انت بنتو او ابنه طيب ابوك ألا يوجد عنده مبدأ الثواب والعقاب اذا انتفى هذا المبدأ ياعزيزتي فمعناه على الدنيا السلام
|
أكيد الله ديّان، بس الله قبل كل شي محب و غاية بالمحبة و هيدا يلي كنت عم قولو.
في صلاة عنا أسما "فعل الندامة" كتير حلوة و صغيرة و بتقول "يا ربي و ألهي أنا نادمة من كل قلبي على جميع خطايي لا طمعاً بالنعيم و لا خوفاً من الجحيم بل حباً بك آمين".
يعني أنا كمسيحي ما بقتل لأنو "القتل رح يفوتني عجهنم" أنا ما بقتل لأني ما بدي يزعل الله مني. أنا ما بقتل لأني لازم عيش بسلام مع أخوتي بقلب الله.
الجنة يلي بيوعدني فيا أنا كمسيحي هي أني كون جنبو و شاركو بملكوتو و أقعد بقلبو و بس. و ما بيحكيلي على أي شي مادي، بقلي يسوع بس بوعدك أذا حبيتني و بتحبي أخوتك من الناس و عم تحكي بلغة الله بتكوني جنبي بالفردوس.
أنا كمسيحي عندي الفرصة أخلق من الأرض يلي عايشة فيا هلق جنة أذا عرفت كيف أقعد بقلب الله.
و برجع بقول علاقتي مع الله ما بصير يحكما غير شريعة وحدة هي المحبة، لأني وقتا بس رح أعمل كل شي لخير الأنسانية و الأنسان. وقت رح أوثق بحكيو ز نفذوا أكتر. ورح ضل واثقة أني بعد ما موت رح كون جنب أكتر روح حبتني لأنو المحبة بتخلق ثقة و الخوف بيخلق أرتباك.