[كهربجي]

كاتب النص الأصلي : وائل 76

هلاء كوستا وفادي تركنا كل شي بالدين الاسلامي وركزنا على موضوع الارث
انا بقول انوا الاسلام ساوى بين الرجل والمراة ولكن بدرجات متفاوتة بالنسبة لكل موضوع يعني
الشق المتعلق بالعقوبات على الجرائم والمعاصي التي يرتكبها الانسان كان هناك مساواة مطلقة بين الرجل والمراة
الشق المتعلق بناحية العبادات المساواة مطلقة ايضا
الشق المتعلق بحقوق المراة والرجل في معظم مناحي الحياة بعتقد انو المساواة كانت الى حدا ما مطلقة
اما مسالة الارث غان التفرقة بين الرجل والمراة كانت من منطلق ان الرجل هو الذي يعيل المراة هذه هي فطرة الله في خلقه مهما وصلت المراة في حياتها الى استقلال عن الرجل الا ان في بعض دقائق الحياة يبقى دور الرجل متقدم عليها هذه ليست نظرة رجعية مني للمراة بالعكس انا من دعاة تحرر المراة وتقدمها لان الاسلام اعز المراة في كثير من الكلام
لاحظ كوستا العزيز ان تلك التعاليم الاسلامية واحترام ومساواة المراة بالرجل جائت قبل 1400 سنة اي في الوقت الذي كانت النساء تباع وتشترى في اوروبا

له له؟؟ شلون يعني المرأة بتضل متخلفة عن الرجل؟؟؟

إذا بدّك تحسب مجهود المرأة بالإنجاب وتربية الولاد (المفهوم التقليدي) بيطلع متل مجهود الرجل الإنتاجي لأ وأكبر كمان... فكيف إذا كانت المرأة عم تشتغل برّا البيت كمان؟؟ إي بيطلعلها أكتر من الرجل

بعدين الإسلام عمل هيك بوقتو وهاد أكيد بينشهد إلو بها الشي.. بس بوقتو... متل حصر الزوجات بأربع

إذا أوروبا كانت عم تبيع وتشتري على إيامها الإسلام لمراحل متقدمة كان فيه جواري... وسبايا كمان

يعني التنين غلط

بس إذا أوروبا تقدّمت و الشعوب المسلمة ما تقدمت معناها أنو الإسلام كان بوقتو ثورة فكرية واجتماعية... بس هلق شو؟؟

أنا بجاوبني... هلق خلص وقتو وصار الناس لازم تتطلع لقدام بالمعنى الاجتماعي.. مو الروحي طبعاً

يعني خليهن يصلّوا على كيفن... بس سياسياً واجتماعيا في كتير مناهج متقدمة ع الإسلام