بصراحه انا ما احب اشارك بس موضوعك خلاني غصبا عني اقول رأيي وانا من وجه نظري ان اذا الاب من النوع اللي ما تقدري تتناقشي معاه فلازم يدخل شخص ثاني من برى البيت يعني شوفي مثلا شخص تعرفي ان ابوكي بيعزوا كثير او له افضال جميله لابوكي او شخص طيب عنده اسلوب راقي في النقاش طبعا انا ما اقول تجيبي واحد من الشارع انا قصدي يكون من الاهل او من الاصدقاء والمعارف
اما اذا كان ابوكي من النوع اللي ممكن تتناقشي معاه بس متمسك برأيه في الوقت هذا انت تتجمعي مع اخوانك وامك الله يخليهم لكي وتقعدي معاه تناقشيه باسلوب مختلف يعني الاب لمن بيشوف اولاده يتكلموا بحكمه بعيد عن العواطف في الوقت هذا يكون قرار الاب مختلف يعني حاولي تقنعيه بالدين وبسلوك حبيبك بعيد عن الحب لان الاباء لمن بيسمعوا عن شغلات الحب بيحسبوا ان هالشي ماله معنى او ان الحب ما بيجي الا بعد الزواج من الكلام هذا ...
وبعدين صدقيني لو ربي كاتب انكم تكونوا مع بعض لو مين ما كان ما راح يمنعكم بس انت ادعي ربك واستخيري وربي بيفرجها
الله يخليكم لبعض وانتظر جوابك
