[Tulip]

أول شي غابريل مشكور عالمقال. و أنشالله السلام بقلبك عطول.

و بدي قول أنو كل واحد بيحكي بأسم الله ما ناطر شاهدة من حدا و ما ناطر تشجيع من حدا. نحنا منحكي و منتصرف على أساس المحبة لثقتنا بالله و بكلمتو و ما لحتى حدا يجي يقارن بينا و بين غيرنا و يمدحنا و يقلنا برافو.

طبعا بكل الردود بعدنا عن المقال الاصلي و أنا هلق مارح ارجعلو. بس بدي قول لكل الأخوة يلي عم يطلبو ما نصدق المسيح يلي موجود بالأنجيل. و صدق المسيح يلي موجود بالقرآن و آمن أنو أنا عبد و ما أبن. و أنو المسيح يلي خلق من "روح الله" هو مجرد نبي عادي وما بصير يكون مات لأنو "هو نبي عظيم و ما بصير يتعذب مشاني أنا العبد الضعيف".

كيف بدي عيش بعلاقة مع الله عندو هالصورة المشوهة؟، صورة الاله المخيف "يلي بدو ياخدني عالنار أو بدو يعطيني الجنة".
صورة الله يلي قاعد و ناطر يعد أخطائي و حسناتي و يحاسبني عليا.
يعني كيف بدي حجّم الله هالقد؟
كيف ما بدي حس حالي أنا جزء منو و أنا بنتو؟
كيف بدي عيش و أنا عم ساوم على الثمن يلي بيدفعلي ياه أذا كنت منيحة. يعني أذا فيه جنة بحبو و أذا ما في بطل؟؟ كيف بدي عيش و أنا حاسستو قاعد فوق بالسما و لا أجى و لا زارني و لا حس بوجعي و لا حبني و ضلو بعيد بس عم ينظر و يقول عملوا هيك وما تعملو هيك!!! كيف بدي أقبل يموتو أشخاص كتير بحبون و قلو "القدر بأيدك" أذا هو ما حس شو يعني الموت و قديش هو قاسي.

ما بصير نقبل بالله البعيد الديّان و بس، لازم يكون الله قريب مني حس بكل شي عم حس فيه كأنسان، و علمني هوي و قاعد معي كيف أنو المحبة بتغلب كل شي و حتى الموت. و برجع و بقول الله ما بصير يكون أقل من هيك!!!!! أقل من المحبة المطلقة!