[oliver68]

أخي هشت نشت، أنا ماني عنصري، و مابحب العنصرية من عين أصلها، بس العالم مقسم لمجموعات و فئات، لك كل شي بالدنيا هيك، حتى الحيوانات و حتى الذرات، هي طبيعة الكون، بعدين شو فيها إذا الواحد افتخر بتاريخو، أنا لما قلت بافتخر مو يعني حطيت مناخيري بالسما، كيف فهمت إني حطيت مناخيري بالسما؟؟؟؟؟؟؟؟؟؟؟
العالم كلو خير و بركة، و العالم كلو تعاون، أجيال بتعطي أجيال، حضارات بتلهم حضارات، هيك الدنيا، هيك نظام الكون، ما جبت شي من عندي.
أخي أبو وليم، اللي مالو تاريخ مالو مستقبل، و الدنيا دولاب، يوم لك و يوم عليك، شوف هلأ بالوقت اللي كانت فيه الحضارة العربية متفوقة كانت أوروبا و الغرب عايشيين بالظلام و الجهل، و هلأ انقلب الحال، و بكرا رح يرجع متل ما كان، بس بدو يمر عالكل قبل ما يوصلنا، بتعرف ليش؟؟؟ لأن الإنسان فيو طابع الغرور، يعني بيغتر بنفسو كتير للأسف، و الغرور بولد الطمع، و الطمع ضر ما نفع، فشوي شوي بيرجع للصفر، لحتى تجي أجيال تانية ترجع اللي راح، و هيك إلى مالا نهاية، و خود مثل اليهود، اليهود اللي هلأ هنن الجناة و مو الضحية، كانوا شعب بلا دولة، بس اشتغلوا على مر أجيال طويلة كتير، و أسسوا الصهيونية و حافظوا على الرسالة اللي حملوها أجدادن، لحتى سنحتلن الفرصة و ضربوا ضربتن و صار إلهن دولة بعد ما أخدوها من اهلها، و هلأ هنن أسياد العالم، بس بلشوا يغتروا بنفسن، و الغرور و الطمع اللي كانوا السبب ورا انتهاء أسطورة هتلر، رح يكونوا نفس السبب ورا انتهاء الصهاينة و اليهود اللي بمثلوا الصهاينة، و هيك ماشي الكون، يوم لك و يوم عليك.
منشان الحكام، يا سيدي ما منستفيد لما يقوم حاكم و يجي واحد بدالو، لازم الحاكم يجي خادم للشعب، و عرفان إنو لازم يكون خادم للشعب، مو يوصل للحكم و يبلش يكبر راسو و يغتر، لأ لازم يحقق مطالب الجماهير بدون ما يمنن هالشعب المعتر و ينصب حالو حاكم عليهن بالقوة و يورث الحكم لولادو و ولاد ولادو، متل ما عمبصير هلأ.
أما اخي جورج الأول لما حكيت إنو لازم نضل ببلادنا، اسمحلي ما وافقك بهالحل، إنو نبقى ببلادنا الليي ما عم تعطينا غير البهادل و الذل حل عاطفي، لازم نسافر نربي ولادنا بعالم شبه مثالي بس ما نسين أصلنا، و هيك هالأجيال المتعلمة و الواعية على تاريخها لما تلاقي الفرصة سنحت رح ترجع عبلادها العربية و تعمرها من اول و جديد و ترجعلها الحضارة، بس إنو نضل عند العرب اللي مو عرب، يعني ما بوفروا الفرص للأجيال المتعلمة المثقفة الفهمانة، هادا مو حل بنوب، بالعكس رح يزيد من دمارنا و رح يزيد من سيطرة الشعوب علينا بدافع تحريرنا و نشر الديمقراطية، فأنا بشوف إنو نسافر و نعيش بين الفهمانيين و نربي ولادنا بيناتن بس بدون ما نسين أصلن و تاريخن، و كمان نوعين على معاناتن و تاريخن الأبيض و الأسود، مشان يبنوا المستقبل الأبيض بناء على الخبرة اللي اكتسبوها من الغرب و على الماضي البعيد المشرق.